ലണ്ടൻ : ബ്രിട്ടീഷ് പ്രധാനമന്ത്രി റിഷി സുനകിന്റെ പൊങ്കൽ ആഘോഷ വീഡിയോകൾ സാമൂഹ്യ മാദ്ധ്യമങ്ങളിൽ വൈറൽ. റിഷി സുനക് ഓഫിസ് ജീവനക്കാരോടൊപ്പം പൊങ്കൽ ആഘോഷിക്കുന്നതും അവർക്കൊപ്പം സദ്യ കഴിക്കുകയും ചെയ്യുന്ന വീഡിയോ ദൃശ്യമാണ് സമൂഹ്യ മാദ്ധ്യമങ്ങളിൽ ശ്രദ്ധേയമായിരിക്കുന്നത്.
ലണ്ടനിലെ ഡൗണിംഗ് സ്ട്രീറ്റിലുള്ള പ്രധാനമന്ത്രിയുടെ ഔദ്യോഗിക വസതിയിലാണ് പൊങ്കൽ ആഘോഷിക്കുന്നതിനായി വിരുന്നൊരുക്കിയത്. വാഴയിലയിൽ തികച്ചും പരമ്പരാഗത രീതിയനുസരിച്ച് പ്രധാനമന്ത്രി ഉദ്യോഗസ്ഥർക്കൊപ്പം സദ്യ കഴിക്കുന്ന വീഡിയോയാണ് സമൂഹ്യ മാദ്ധ്യമങ്ങളിൽ തരംഗമാകുന്നത്. നിരവധിപേരാണ് ഇതിനോടകം വീഡിയോ പങ്ക് വെച്ചത്.
Pongal lunch hosted by PM Rishi Sunak in London.
Grt idea …! Will try to do for my north Indian frnds pic.twitter.com/NKuiatLELX
— ThePonderinGirl💚👨👩👧👦 (@DtPushpaAnand) January 17, 2023
‘പൊങ്കൽ ആഘോഷിക്കുന്ന എല്ലാവർക്കും ആശംസകൾ അറിയിക്കാൻ ഞാൻ ആഗ്രഹിക്കുന്നു. ലോകത്തെ മുഴുവൻ കുടുംബങ്ങൾക്കും ഈ ആഘോഷം എത്രമാത്രം പ്രാധാന്യമുള്ളതെന്ന് എനിക്കറിയാം. ലോകമെമ്പാടുമുള്ള എല്ലാവർക്കും ഈ തൈപൊങ്കൽ ദിനത്തിൽ ആരോഗ്യവും സന്തോഷവും നൽകട്ടെ എന്ന് ആശംസിക്കുന്നു’ എന്ന് വീഡിയോ സന്ദേശത്തിൽ അദ്ദേഹം പറഞ്ഞു.
Comments