ന്യൂഡൽഹി: റസലിംഗ് ഫെഡറേഷൻ ഓഫ് ഇന്ത്യയുടെ എല്ലാ പ്രവർത്തനങ്ങളും നിർത്തിവെപ്പിച്ച് കേന്ദ്ര സർക്കാർ. നിലവിൽ റാങ്കിംഗ് മത്സരങ്ങൾ ഉൾപ്പെടെ നിർത്തിവെക്കും. കേന്ദ്രം നിയോഗിക്കുന്ന സമിതിയാകും ഇനി ഫെഡറേഷന്റെ പ്രവർത്തനങ്ങൾ നിയന്ത്രിക്കുക.
ഫെഡറേഷൻ അസിസ്റ്റന്റ് സെക്രട്ടറി വിനോദ് തോമറെ സസ്‌പെൻഡ് ചെയ്യുകയും ചെയ്തു. കേന്ദ്ര കായിക വകുപ്പിന്റേതാണ് നടപടി. തോമർ ഗുസ്തി താരങ്ങൾക്കെതിരെ മാദ്ധ്യമങ്ങളിലൂടെ വിമർശനം ഉന്നയിച്ചിരുന്നു.
കേന്ദ്ര കായിക മന്ത്രി അനുരാഗ് താക്കൂറുമായി നടത്തിയ ചർച്ചയെ തുടർന്ന് താരങ്ങൾ കഴിഞ്ഞ ദിവസം സമരം അവസാനിപ്പിച്ചിരുന്നു. പിന്നാലെ ഫെഡറേഷൻ പ്രസിഡന്റ് ബ്രിജ് ഭൂഷണെ ചുമതലയിൽ നിന്നും മാറ്റിനിർത്തി.
