കോട്ടയം: കെ.ആർ.നാരായണൻ ഫിലിം ഇൻസ്റ്റിറ്റ്യൂട്ടിലെ സ്റ്റുഡന്റ്സ് കൗൺസിലിനെതിരെ ഭീഷണി മുഴക്കി സിനിമോട്ടോഗ്രഫി അസോഷ്യേറ്റ് പ്രൊഫസറായിരുന്ന നന്ദകുമാർ. രാജിക്ക് പിന്നാലെയാണ് സ്റ്റുഡന്റ്സ് കൗൺസിൽ ചെയർമാൻ ശ്രീദേവ് സുപ്രകാശിനെയാണ് അദ്ധ്യാപകൻ ഭീഷണിപ്പെടുത്തിയിരിക്കുന്നത്. താൻ മുൻ എസ്എഫ്ഐ യൂണിയൻ ചെയർമാനാണെന്നും ഒരുപാട് ബന്ധവും സ്വാധീനവും തനിക്കുണ്ടെന്നുമാണ് നന്ദകുമാർ ഭീഷണി സന്ദേശം അയച്ചിരിക്കുന്നത്.
കെ.ആർ.നാരായണൻ ഫിലിം ഇൻസ്റ്റിറ്റ്യൂട്ടിന്റെ മുൻ ഡയറക്ടർ ശങ്കർ മോഹനുമായി അടുപ്പമുണ്ടായിരുന്നവരുടെ കൂട്ടരാജിക്ക് പിന്നാലെയാണ് അദ്ധ്യാപകനായ നന്ദകുമാർ സ്റ്റുഡന്റ്സ് കൗൺസിൽ ചെയർമാൻ ശ്രീദേവിനെ ഭീഷണിപ്പെടുത്തിയിരിക്കുന്നത്. താൻ പുല്ലൂർ കെകെടിഎം കോളജിലെ മുൻ എസ്എഫ്ഐ യൂണിയൻ ചെയർമാനാണ്. കളി തന്നോട് വേണ്ട. സിനിമാ മേഖലയിൽ വച്ച് നേരിട്ട് കാണാമെന്നുമാണ് ഭീഷണി.
പഠിക്കാൻ വന്നയാൾ തന്നെ വിചാരണ നടത്തേണ്ട. താൻ ഒരുപാട് ബന്ധവും സ്വാധീനവുമുള്ള വ്യക്തിയാണ്. സ്റ്റുഡന്റ്സ് കൗൺസിൽ ചെയർമാനായി ഇരിക്കാൻ ശ്രീദേവിന് യോഗ്യതയില്ല. താൻ ഉൾപ്പെടെയുള്ള അദ്ധ്യാപകർക്ക് രാജ്യത്തും വിദേശത്തുമടക്കം വലിയ പരിചയസമ്പത്തുണ്ട്. അതിനാൽ മിണ്ടാതിരുന്നു കൊള്ളണം എന്നുമാണ് അദ്ധ്യാപകന്റെ ഭീഷണി.
