അമൃത്സർ: അതിർത്തിയിൽ വൻ ലഹരിവേട്ട. പഞ്ചാബിലെ തിണ്ടിവാല അതിർത്തിയിലാണ് സംഭവം. പ്രദേശത്ത് നിന്നും ബിഎസ്എഫ് മൂന്ന് കിലോ ഹെറോയിൻ പിടികൂടി. മൂന്ന് പാായ്‌ക്കറ്റുകളിലാക്കി കടത്താൻ ശ്രമിക്കവേയാണ് ഇവ കണ്ടെടുത്തത്.
കഴിഞ്ഞ ദിവസം സമാന രീതിയിൽ ലഹരിമരുന്ന് പിടികൂടിയിരുന്നു. പാക് അതിർത്തിയിൽ ഡ്രോൺ വഴി കടത്താൻ ശ്രമിക്കവേയായിരുന്നു അഞ്ച് കിലോ ഹെറോയിൻ പിടികൂടിയത്. സംഭവത്തി,ന് പിന്നാലെ പ്രതികളെ അറസ്റ്റ് ചെയ്തിരുന്നു. രണ്ട് പേരെയാണ് അമൃത്സർ പോലീസ് അറസ്റ്റ് ചെയ്തത്.
കഴിഞ്ഞ ഡിസംബറിൽ ഫസിൽക്ക ജില്ലയിലും സമാനമായ രീതിയിൽ പാക് കള്ളക്കടത്ത് സംഘത്തെ 24 കിലോ ഹെറോയിൻ ശേഖരം കണ്ടെടുത്തിരുന്നു. അതിർത്തിയിൽ സംശയാസ്പദമായ നീക്കം കണ്ടതിനെ തുടർന്ന് ബിഎസ്എഫ് നിരവധി തവണ വെടിയുതിർത്തിരുന്നു. ഇതിന് പിന്നാലെയാണ് ഹെറോയിൻ ശേഖരം ഉപേക്ഷിച്ച് കള്ളക്കടത്ത് സംഘം രക്ഷപ്പെട്ടത്.
