സിനിമ നിർമ്മാണ മേഖലയിലേക്ക് കടന്ന് മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ. മഹേന്ദ്രസിംഗ് ധോണിയും ഭാര്യ സാക്ഷിയുമാണ് ധോണി എന്റർടെയ്മെന്റ് എന്നപേരിൽ പ്രൊഡക്ഷൻ ഹൗസ് ആരംഭിച്ചത്. നിർമ്മാണ കമ്പിനിയുടെ ആദ്യ ചിത്രത്തിന്റം പൂജ ചെന്നൈയിൽ നടന്നു. എൽ ജിഎം( ലെറ്റ്സ് ഗെറ്റ് മാരിഡ്) എന്ന് പേരിട്ടിരിക്കുന്ന ചിത്രത്തിന്റെ കഥയെഴുതിയിരിക്കുന്നത് സാക്ഷി തന്നെയാണ്.
നവാഗത സംവിധായകനായ രമേഷ് തമിഴ്മണി സംവിധാനം ചെയ്യുന്ന ചിത്രത്തിൽ ഹരീഷ് കല്യൺ, നദിയ, യോഗി ബാബു, ഇവാന എന്നിവരാണ് പ്രധാന വേഷങ്ങൾ കൈകാര്യം ചെയ്യുന്നത്. ധോണി പ്രൊഡക്ഷൻ ഹൗസിന്റെ ആദ്യ സിനിമയിൽ ഇളയ ദളപതി വിജയ് അഭിനയിക്കും എന്ന് വാർത്തകൾ വന്നിരുന്നു.
പൂജയുടെ ചിത്രങ്ങൾ ധോണി തന്റെ ട്വീറ്റർ ഹാൻഡിൽ പങ്ക്വെച്ചിട്ടുണ്ട്. ചെന്നൈ സൂപ്പർ കിംഗ് ക്യാപ്റ്റനായി തമിഴ് ജനതയുമായി അടുത്ത ബന്ധമാണ് ധോണിയ്ക്കുള്ളത്. ഈ ബന്ധമാണ് ആദ്യ സിനിമ തമിഴിൽ ആകാൻ കാരണമെന്ന് സിനിമ മേഖലയിലുള്ളവർ പറയുന്നത്.
