ന്യൂഡൽഹി: ന്യൂസിലൻഡിനെതിരായ മൂന്നാം ട്വന്റി 20യിൽ ഇന്ത്യയ്ക്ക് 168 റൺസിന്റെ കൂറ്റൻ ജയം. ഇന്ത്യ ഉയർത്തിയ 235 റൺസ് വിജയലക്ഷ്യം പിന്തുടർന്ന ന്യൂസിലൻഡ് 12.1 ഓവറിൽ 66 റൺസിന് പുറത്താകുകയായിരുന്നു. ശുഭ്മാൻ ഗില്ലിന്റെ സെഞ്ച്വറിയാണ് ഇന്ത്യയെ പടുകൂറ്റൻ സ്കോറിൽ എത്തിച്ചത്. വിജയത്തോടെ പരമ്പര 2-1 ന് ഇന്ത്യ സ്വന്തമാക്കി.
ഗിൽ 63 പന്തിൽ പുറത്താകാതെ 126 റൺസ് നേടി. സഹ ഓപ്പണറായ ഇഷാൻ കിഷന് ഒരു റൺസ് മാത്രമേ നേടാനായുള്ളു. രാഹുൽ ത്രിപാഠി (44), സൂര്യകുമാർ യാദവ് (24), ഹാർദിക് പാണ്ഡ്യ (30) എന്നിവർ മികച്ച പ്രകടനം കാഴ്ചവെച്ചു. ബ്ലയർ തിക്ക്നർ, ബ്രേസ്വെൽ, സോധി, ഡേരിൽ മി്ച്ചൽ എന്നിവർ ന്യൂസിലൻഡിനായി ഓരോ വിക്കറ്റുകൾ നേടി.
ന്യൂസിലൻഡ് നിരയിൽ എട്ട് പേരും രണ്ടക്കം പോലും കാണാതെ പുറത്തായി. 35 റൺസ് നേടിയ ഡേരിൽ മിച്ചലാണ് കിവസ് നിരയിലെ ടോപ് സ്കോറർ. ക്യാപ്റ്റൻ ഹർദിക് പാണ്ഡ്യയാണ് നാല് വിക്കറ്റും സ്വന്തമാക്കിയത്. അർഷ്ദീപ് സിംഗ്, ഉമ്രാൻ മാലിക്, ശിവം മാവി എന്നിവർ രണ്ട് വിക്കറ്റുകൾ വീതവും നേടി.
