ജാർഖണ്ഡ് : സ്‌ഫോടനത്തിൽ സിആർപിഎഫ് ഉദ്യോഗസ്ഥന് പരിക്ക്. ജാർഖണ്ഡിലെ ചൈബാസ മേഖലയാലാണ് സംഭവം. ചൈബാസ പ്രദേശത്ത് 60-ഓളം സേനാഗങ്ങൾ പരിശോധന നടത്തുന്നതിനിടെയാണ് സ്‌ഫോടനം ഉണ്ടായത്. ഇംപ്രൊവൈസ്ഡ് എക്സ്പ്ലോസീവ് സ്ഫോടക വസ്തു പൊട്ടിത്തെറിച്ചാണ് അപകടമുണ്ടായതെന്ന് അധികൃതർ അറിയിച്ചു.
സ്‌ഫോടനത്തെ തുടർന്ന് ജോക്പാനി, നവ്‌തോലി, ലത്തേഹാർ വനമേഖലയിൽ കോബ്ര 209 സംഘത്തിന്റെയും ജാർഖണ്ഡ് പോലീസിന്റെയും സംയുക്ത സംഘം തിരച്ചിൽ ആരംഭിച്ചതായി സിആർപിഎഫ് ഉദ്യോഗസ്ഥർ പറഞ്ഞു. ഫെബ്രുവരി രണ്ടിനും സംസ്ഥാനത്ത് സമാന സംഭവം റിപ്പോർട്ട് ചെയിതിരുന്നു. ജാർഖണ്ഡിലെ ജോക്പാനിയിലെ വനമേഖലയിൽ നടത്തിയ തിരച്ചിലിനിടെ സ്ഫോടക വസ്തു പൊട്ടിതെറിച്ച് മൂന്ന് സിആർപിഎഫ് ഉദ്യോഗസ്ഥർക്ക് പരിക്കേറ്റിരുന്നു.
ജനുവരി 23 ന് ബീഹാറിലെ ഭീകര സാന്നിധ്യമുള്ള മേഖലകളിൽ നിന്നും കേന്ദ്ര റിസർവ് പോലീസ് സേനയുടെ നേതൃത്വത്തിൽ ഇംപ്രൊവൈസ്ഡ് സ്ഫോടക വസ്തുക്കൾ പിടിച്ചെടുത്തിരുന്നു.സുരക്ഷാ സേനയുമായി നടത്തിയ സംയുക്ത ഓപ്പറേഷനിൽ ജില്ലയിലെ ദസ്സാൽ ഗ്രാമത്തിൽ നിന്ന് രണ്ട് ഇംപ്രൊവൈസ്ഡ് സ്‌ഫോടകവസ്തുക്കൾ കണ്ടെടുത്തതായി പോലീസ് അറിയിച്ചു.
