ദീർഘ വീക്ഷണമുള്ള ഒരു നേതൃത്വമുണ്ടൈങ്കിൽ മാത്രമേ ഏത് മേഖലയിലും സുസ്ഥിരവും ദ്രുതഗതിയിലുമുളള
വികസനം യാഥാർത്ഥ്യമാകൂ. വളരെ കുറഞ്ഞ സമയത്തിനുള്ളിൽ ഗതാഗത രംഗത്ത് രാജ്യം കൈവരിച്ച നേട്ടങ്ങൾക്ക് പിന്നിലും ചാലകശക്തിയായി പ്രവർത്തിക്കുന്നത് കേന്ദ്ര ഗതാഗതമന്ത്രി നിതിൻ ഗഡ്കരിയാണ്. ഗതാഗതരംഗം അന്താരാഷ്ട്ര നിലവാരത്തിലേക്ക് ഉയരുമ്പോൾ സമൂഹ മാദ്ധ്യമങ്ങളിൽ പ്രുമുഖർ നിതിൻ ഗഡ്കരിയെ പ്രശംസ കൊണ്ട് മൂടുകയാണ്.
ഗഡ്കരി ട്വീറ്ററിൽ പങ്കുവെച്ച ഡൽഹി- മുംബൈ എക്സ്പ്രസ് വേയുടെ പുതിയ ചിത്രം ഇപ്പോൾ സമൂഹ മാദ്ധ്യമങ്ങളിൽ വൈറലാണ്. അതിവേഗം പുരോഗമിക്കുന്ന എക്സ്പ്രസ് വേ നിർമ്മാണത്തിലെ എഞ്ചിനീയറിംഗ് മികവാണ് ചർച്ചകളിൽ നിറയുന്നത്. രാജ്യത്തെ ഏറ്റവും നീളം കൂടിയ എക്സ്പ്രസ് വേയാണ് ഡൽഹി -മുംബൈ പാത. ഗതാഗത എഞ്ചിനീയറിംഗ് രംഗത്തെ വിസ്മയമായാണ് ഗ്രീൻ എക്സ്പ്രസ് വേ വിലയിരുത്തുന്നത്.
With a 180 km distance reduction (1424 km to 1242 km), it has scope for future expansion to the 12-lane expressway.#PragatiKaHighway #GatiShakti #Delhi_Mumbai_Expressway pic.twitter.com/nrRmWbPM0n
— Nitin Gadkari (@nitin_gadkari) February 8, 2023
എട്ട് വരിയിൽ നിർമ്മിച്ചിരിക്കുന്ന പാത ഭാവിയിൽ 12- വരിയായി വികസിപ്പിക്കാൻ സാധിക്കും. കൂടാതെ ഹരിയാന, രാജസ്ഥാൻ, മദ്ധ്യപ്രദേശ്, ഗുജറാത്ത് എന്നീ സംസ്ഥാനങ്ങളെ പാതയുമായി ബന്ധിപ്പിക്കാൻ സാധിക്കുന്ന രീതിയിലാണ് ആസൂത്രണം ചെയ്തിരിക്കുന്നത്. ലോകത്തിലെ ഏറ്റവും വേഗതയുള്ള അത്യാധുനിക എക്സ്പ്രസ് വേകളിൽ ഒന്നാണിത്.
രാജ്യതലസ്ഥാനമായ ഡൽഹിയേയും സാമ്പത്തിക തലസ്ഥാനമായ മുംബൈയേയും ബന്ധിപ്പിക്കുന്ന പാതയ്ക്ക് 1,386- കിലോമീറ്റർ നീളമുണ്ട്. പാത പൂർത്തിയാകുന്നതോടെ ഡൽഹി-മുംബൈ യാത്ര സമയം 24- മണിക്കൂറിൽ നിന്ന് 12- മണിക്കൂറായി ചുരുങ്ങും. കൂടാതെ ഡൽഹി-ജയ്പൂർ യാത്രാ സമയം രണ്ട് മണിക്കൂറായി കുറയുകയും ചെയ്യും.
രാജ്യത്തിന്റെ ഗതാഗത രംഗത്തെ സുപ്രധാന ചുവടുവെപ്പായിരുന്ന ഗതി ശക്തിയിൽ ഉൾപ്പെടുന്ന 93- റോഡുകൾ എക്സ്പ്രസ് വേയിൽ ബന്ധിപ്പിക്കുന്നുണ്ട്. കൂടാതെ പൂനെ, നാഗ്പൂർ, നാസിക്ക് തുടങ്ങി വിവിധ ഇടങ്ങളിൽ സ്ഥിതി ചെയ്യുന്ന ലോജിസ്റ്റിക്ക് പാർക്കുകളിലേക്കുള്ള ഗതാഗതം ഇതുവഴി സുഗമമാകും. നവി മുംബൈ, നോയിഡ വിമാനത്താളങ്ങൾ, മുംബൈ തുറമുഖം എന്നിവയും എക്സ്പ്രസ് വേയുടെ ഭാഗമാണ്. എക്സ്പ്രസ് വേയുടെ ഭാഗമായ സോഹ്ന- ദൗസ പാത ഫെബ്രുവരി 12-ന് പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും. 2023-മാർച്ചോടെ ഡൽഹി- മുംബൈ ഗ്രീൻ എക്സ്പ്രസ് വേ നിർമ്മാണം പൂർത്തിയാകുമെന്നാണ് പ്രതീക്ഷിക്കുന്നത്.
Comments