ലഖ്നൗ : യുപി നിയമ നിർമ്മാണസഭ അംഗവും മുതിർന്ന ബിജെപി നേതാവുമായ ബൻവാരി ലാൽ ദോഹ്രെയുടെ നിര്യാണത്തിൽ അനുശോചനം അറിയിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്.
യുപി നിയമ നിർമ്മാണസഭ അംഗവും മുതിർന്ന ബിജെപി രാഷ്ട്രീയ നേതാവുമായ ബൻവാരി ലാൽ ദോഹ്രെ ജിയുടെ വിയോഗം അങ്ങേയറ്റം ദുഃഖകരമാണെന്ന് യോഗി ട്വിറ്ററിൽ കുറിച്ചു. എന്റെ ചിന്തകൾ ദുഃഖിതരായ കുടുംബത്തോടൊപ്പമാണ്. പരേതനായ ആത്മാവിന് അങ്ങയുടെ വിശുദ്ധ പാദങ്ങളിൽ സ്ഥാനം നൽകണമെന്നും, ദുഃഖിതർക്ക് ശക്തി നൽകണമെന്നും ഭഗവാൻ ശ്രീരാമനോട് പ്രാർത്ഥിക്കുന്നു. കുടുംബാംഗങ്ങൾ ഈ ദു:ഖം സഹിക്കണമെന്നും മുഖ്യമന്ത്രി ട്വിറ്ററിൽ കുറിച്ചു.
ഡൽഹിയിലെ സ്വകാര്യ ആശുപത്രിയിൽ വച്ചായിരുന്നു ബൻവാരി ലാൽ ദോഹ്രെ അന്ത്യം. 72 വയസ്സായിരുന്നു. ഏറെ നാളായി ആരോഗ്യപ്രശ്നങ്ങളെ തുടർന്ന് ചികിത്സയിലായിരുന്നു അദ്ദേഹം. കനൗജ് സദർ അസംബ്ലി മണ്ഡലത്തിൽ നിന്ന് മൂന്ന് തവണ എം.എൽ.എയായിട്ടുണ്ട് ദോഹ്രെ. 1991ലെ നിയമസഭാ തിരഞ്ഞെടുപ്പിൽ സദർ സീറ്റിൽ നിന്ന് ബിജെപി ടിക്കറ്റിൽ മത്സരിച്ച് വിജയിച്ചു. പിന്നീട് 1993ലും 1996ലും ബിജെപി ടിക്കറ്റിൽ രണ്ടുതവണ എംഎൽഎയായി തിരഞ്ഞെടുക്കപ്പെട്ടു. 2022ൽ ബിജെപി അദ്ദേഹത്തെ ഉത്തർപ്രദേശ് ലെജിസ്ലേറ്റീവ് കൗൺസിലിലേക്കുള്ള സ്ഥാനാർഥിയാക്കിയിരുന്നു.
Comments