രാജ്യമെമ്പാടും ശ്രദ്ധയാകർഷിച്ച ചിത്രമായിരുന്നു കഴിഞ്ഞ വർഷം പുറത്തിറങ്ങിയ ‘കാന്താര’. ഋഷഭ് ഷെട്ടി സംവിധനം ചെയ്ത് തകർത്ത് അഭിനയിച്ച ചിത്രമായിരുന്നു. അത്ഭുതപ്പെടുത്തുന്ന പ്രകടനമായിരുന്നു ചിത്രത്തിൽ അദ്ദേഹത്തിന്റെ. 2023-ലെ ദാദാസാഹേബ് ഫാൽകെ ഇന്റർനാഷണൽ ഫിലിം ഫെസ്റ്റിവൽ മോസ്റ്റ് പ്രോമിസിംഗ് ആക്ടർ അവാർഡാണ് ഋഷഭ് ഷെട്ടിക്ക് തേടിയെത്തിയിരിക്കുന്നത്.
ഫെബ്രുവരി 20-ന് ഡൽഹിയിൽ വെച്ച് അവാർഡ് ഏറ്റുവാങ്ങും. ‘കാന്താര’യിലെ ‘ശിവ’ ആയിട്ടുള്ള പ്രകടനത്തിനാണ് അവാർഡ് ലഭിച്ചിരിക്കുന്നത്. 19-ാം നൂറ്റാണ്ട് പശ്ചാത്തലമാക്കുന്ന ചിത്രത്തിന്റെ കഥ നടക്കുന്നത് കുന്താപുരയിലാണ്. ചിത്രത്തിൽ സപ്തമി ഗൗഡ, കിഷോർ, അച്യുത് കുമാർ, പ്രമോദ് ഷെട്ടി, ഷനിൽ ഗുരു, പ്രകാശ് തുമിനാട്, മാനസി സുധീർ, നവീൻ ഡി പടീൽ, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രൻ ഷെട്ടി, പുഷ്പരാജ് ബൊല്ലാറ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഋഷഭ് ഷെട്ടി തന്നെയാണ് തിരക്കഥയും നിർവഹിച്ചത്.
Comments