ഉജ്ജയിൻ: ലോകമെമ്പാടുമുളള ഹൈന്ദവ വിശ്വാസികൾ ഇന്ന് ശിവരാത്രി ആഘോഷങ്ങൾക്കൊരുങ്ങുന്നു. മധ്യപ്രദേശിലെ ഉജ്ജയിനിയിൽ പ്രസിദ്ധമായ മഹാകാലേശ്വർ ക്ഷേത്രമുണ്ട്. ഇവിടെ മഹാശിവരാത്രിയോട് അനുബന്ധിച്ച് ഇന്നത്തെ ആദ്യ ആരതിയിൽ പങ്കെടുക്കാൻ ഭക്തർ ഒഴുകിയെത്തുകയാണ്. ‘ഭസ്മ ആരതി’ എന്നും ഇത് അറിയപ്പെടുന്നു. അത്യധികം ശുഭകരമായാണ് ഭസ്മ ആരതി കണക്കാക്കപ്പെടുന്നത്.
ഇന്ത്യയിലെ 12 ജ്യോതിർലിംഗങ്ങളിൽ ഏറ്റവും പ്രധാനപ്പെട്ടതും ഐശ്വര്യപ്രദവുമായ ഒന്നാണ് ഉജ്ജയിനിലെ മഹാകാലേശ്വർ ജ്യോതിർലിംഗം. ഷിപ്ര നദിയുടെ തീരത്ത് സ്ഥിതി ചെയ്യുന്ന ഈ ക്ഷേത്രം ഹിന്ദുക്കളുടെ പ്രശസ്ത തീർത്ഥാടന കേന്ദ്രമാണ്.
#WATCH | 'Bhasma Aarti' being performed at Mahakaleshwar Jyotirlinga temple in Ujjain, Madhya Pradesh, on the occasion of #MahaShivaratri pic.twitter.com/glpjpZLT5g
— ANI MP/CG/Rajasthan (@ANI_MP_CG_RJ) February 17, 2023
മഹാകാലേശ്വര ക്ഷേത്രത്തിലെ ഏറ്റവും പ്രധാന ചടങ്ങ് ഭസ്മ ആരതിയാണ് . ശിവനെ പൂജിക്കാൻ ഭസ്മമാണ് ഉപയോഗിക്കുന്നത്. ശിവൻ മഹാകാലരൂപത്തിൽ ദേഹമാസകലം ചാരം പുരട്ടിയിരുന്നതായി വിശ്വസിക്കപ്പെടുന്നതിനാൽ ഭസ്മം ഭഗവാന് സമർപ്പിക്കുന്നു. അതിരാവിലെയാണ് ഭസ്മ ആരതി സാധാരണ നടക്കുന്നത്. ഇത് ക്ഷേത്രത്തിലെ ഏറ്റവും പ്രധാനപ്പെട്ട ആചാരങ്ങളിൽ ഒന്നായി കണക്കാക്കപ്പെടുന്നു.
#WATCH | A 31.5 feet tall 'Rudraksha Shivling' has been made in Gujarat's Dharampur by using around 31 lakhs Rudrakshas.#MahaShivaratri pic.twitter.com/60W6416SPi
— ANI (@ANI) February 18, 2023
അതേസമയം മഹാ ശിവരാത്രി ദിനത്തിൽ ഗുജറാത്തിലെ ധരംപൂരിൽ 31 ലക്ഷം രുദ്രാക്ഷം ഉപയോഗിച്ച് 31.5 അടി ഉയരമുള്ള ‘രുദ്രാക്ഷ ശിവലിംഗം’ നിർമ്മിച്ചു. ശിവലിംഗം കാണാനും ആരാധിക്കാനും നൂറുകണക്കിന് ഭക്തരാണ് പരിസരത്ത് എത്തുന്നത്.
Comments