കാത്തിരിപ്പിനൊടുവിൽ മമ്മൂട്ടി-ലിജോ ജോസ് പല്ലിശേരി ചിത്രം നൻപകൽ നേരത്ത് മയക്കത്തിന്റെ ഒടിടി തീയതി പ്രഖ്യാപിച്ചു. ചിത്രം ഫെബ്രുവരി 23-ന് ഒടിടിയിൽ എത്തും. നെറ്റ്ഫ്ലിക്സാണ് ചിത്രത്തിന്റെ ഡിജിറ്റൽ സ്ട്രീമിംഗ് അവകാശം സ്വന്തമാക്കിയിരിക്കുന്നത്. മമ്മൂട്ടി- ലിജോ ജോസ് ചിത്രത്തിനായി ഏറെ പ്രതീക്ഷയോടെ കാത്തിരിക്കുകയാണ് ഒടിടി പ്രേക്ഷകർ.
അന്താരാഷ്ട്ര ചലച്ചിത്രമേളയിൽ മികച്ച അഭിപ്രായം നേടിയ ചിത്രത്തിന് തിയറ്റർ റിലീസിലും മികച്ച പ്രതികരണമായിരുന്നു ലഭിച്ചത്. ഓഫ്ബീറ്റ് ചിത്രമായിരുന്നെങ്കിലും ബോക്സ്ഓഫീസിലും നൻപകൽ നേരത്ത് മയക്കം ലാഭം നേടി. എന്നാൽ ചിത്രം എല്ലാവരിലേക്ക് എത്താനും സാധിച്ചില്ല. അതിനാൽ ചിത്രത്തിന്റെ ഒടിടി റിലീസിനായി ആരാധകർ കാത്തിരിക്കുകയാണ്.
മമ്മൂട്ടിയുടെ സിനിമ നിർമാണ കമ്പനിയായ മമ്മൂട്ടി കമ്പനിയും ലിജോ ജോസ് പെല്ലിശ്ശേരിയുടെ അമേൻ മൂവി മൊണാസ്ട്രിയും ചേർന്നാണ് നൻപകൽ നേരത്ത് മയക്കം നിർമിച്ചിരിക്കുന്നത്. എൽജെപിയുടെ കഥയ്ക്ക് എസ് ഹരീഷാണ് തിരക്കഥയും സംഭാഷണവും രചിച്ചിരിക്കുന്നത്. തമിഴ് പശ്ചാത്തലത്തിൽ ഒരുക്കുന്ന ചിത്രം പഴനിയിലും കന്യാകുമാരിയിലുമായാണ് ചിത്രീകരിച്ചത്. ഒറ്റ ഷെഡ്യൂളിലാണ് ചിത്രീകരണം പൂർത്തിയാക്കത്. രമ്യ പാണ്ട്യൻ, അശോകൻ, വിപിൻ അറ്റ്ലി, രാജേഷ് ശർമ എന്നിവരും ചിത്രത്തിൽ പ്രധാനവേഷത്തിലെത്തുന്നു. തേനി ഈശ്വർ ക്യാമറ, എഡിറ്റിംഗ് ദീപു ജോസഫ്, സൗണ്ട് ഡിസൈനിങ് രംഗനാഥ് രംവി
Comments