ന്യൂഡൽഹി : 37-ാംമത് സംസ്ഥാന രൂപീകരണ വാർഷികത്തിൽ മിസോറാം ജനതയ്ക്ക് ആശംസകളുമായി പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ് പ്രധാനമന്ത്രി ആശംസകൾ അറിയിച്ചത്. ‘സംസ്ഥാന രൂപീകരണ വാർഷികത്തിൽ മിസോറാം ജനതക്ക് ആശംസകൾ ‘ , പ്രകൃതി സൗന്ദര്യത്തിനും വിശിഷ്ടമായ സംസ്കാരത്തിനും ജനതയുടെ കഠിനാധ്വാനത്തിനും പേരുകേട്ട സംസ്ഥാനമാണ് മിസോറാം . മിസോറാമിലെ ജനങ്ങളുടെ എല്ലാ അഭിലാഷങ്ങളും തുടർന്നും നിറവേറട്ടെ’ പ്രധാനമന്ത്രി ട്വിറ്ററിൽ കുറിച്ചു.
Best wishes to the people of Mizoram on their Statehood Day. Mizoram is known for its natural beauty, hardworking people and the outstanding Mizo culture. May the aspirations of the people of Mizoram continue being fulfilled in the coming times.
— Narendra Modi (@narendramodi) February 20, 2023
ഉത്തർപ്രദേശ് മുഖ്യമന്ത്രി യോഗി ആദിത്യനാഥും മിസോറാം ജനതക്ക് ആശംസകൾ അറിയിച്ചു. ‘പ്രകൃതി സൗന്ദര്യത്താലും സാംസ്കാരിക വൈവിധ്യങ്ങളാലും മിസോറാം സമ്പന്നമാണ്. സംസ്ഥാനത്തിന്റെ തുടർച്ചയായ വളർച്ചയ്ക്കും വിജയത്തിനും സമൃദ്ധിക്കും വേണ്ടി ഞാൻ പ്രാർത്ഥിക്കുന്നു ‘മുഖ്യമന്ത്രി യോഗി ട്വിറ്ററിൽ പങ്കുവെച്ചു.
വടക്കുകിഴക്കൻ ഇന്ത്യയിലെ സംസ്ഥാനങ്ങളിലൊന്നാണ് മിസോറാം. മി എന്നാൽ -ആളുകൾ സോ- കുന്ന് പോലെയുള്ള ഉയർന്ന സ്ഥലം, റാം മിസോയിലെ ഭൂമി ഇതിൽ നിന്നാണ് മിസോറാം എന്ന വാക്കിന്റെ ജനനം. മിസോറാം ‘മലയോര ജനതയുടെ നാട്’ എന്ന് സൂചിപ്പിക്കുന്നു. ഇന്ത്യയ്ക്കു സ്വത്രന്തൃം കിട്ടിയപ്പോൾ മിസോറം അസമിലെ ഒരു ജില്ല മാത്രമയിരുന്നു. ത്രിപുരയിലും മണിപൂരിലും ജീവിക്കുന്ന മിസോ വംശജരുള്ള മേഖലകളെ ഉൾപ്പെടുത്തി 1987- ഫെബ്രുവരി 20 നാണ്പുതിയ സംസ്ഥാനമായി മിസോറാം രൂപീകരിച്ചത്.
