ന്യൂഡൽഹി: രാജ്യത്തിന്റെ അഭിമാന പദ്ധതിയായ ഡൽഹി-മുംബൈ എക്സ്പ്രസ് വേയെ പ്രശംസിച്ച് സിങ്കപ്പൂർ ഹൈക്കമ്മീഷണർ സൈമൺ വോങ്ങ്. ‘അമേസിംഗ് ഇൻഡ്യ’ എന്നാണ് സന്ദർശനശേഷം അദ്ദേഹം ട്വിറ്ററിൽ കുറിച്ചത്. പുതിയ ഡൽഹി-മുംബൈ എക്സ്പ്രസ് വേയെ ഒരു വാക്കിൽ മാത്രമേ വിവരിക്കാൻ സാധിക്കൂ. ഇന്ത്യ അതി മനോഹരമായിരിക്കുന്നു എന്നും അദ്ദേഹം ട്വീറ്റ് ചെയ്തു.
ഇന്നലെ ഇന്ത്യ സന്ദർശിക്കാനെത്തിയ സൈമൺ വോങ്ങ് രാജസ്ഥാനിലെ ചാന്ദ് ബവോറിയിലും സന്ദർശനം നടത്തി. ഇന്ത്യയുടെ പൗരാണികതയെയും സംസ്കാരത്തെയും അദ്ദേഹം പ്രശംസിച്ചു.
Tried the new #Delhi_Mumbai_Expressway today. Only one word can describe it "Wow!". Amazing India – HC Wong@narendramodi @nitin_gadkari#BuildingTheNation #PragatiKaHighway #GatiShakti pic.twitter.com/pM3p28rBsw
— Singapore in India (@SGinIndia) February 19, 2023
ഫെബ്രുവരി 12 നാണ് ഡൽഹി-മുംബൈ അതിവേഗ പാതയുടെ ആദ്യഘട്ടം രാജസ്ഥാനിലെ ദൗസയിൽ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തത്. ദൗസ-ലാൽസോട്ട് എക്സ്പ്രസ് വേയാണ് ഗതാഗതത്തിനായി പ്രധാനമന്ത്രി തുറന്നുകൊടുത്തത്. ഇതോടെ ഡൽഹിയിൽ നിന്ന് ജയ്പൂരിലേക്കുള്ള യാത്രാ സമയം അഞ്ച് മണിക്കൂറിൽ നിന്ന് മൂന്നര മണിക്കൂറായി കുറയും.
ഡൽഹി-മുംബൈ എക്സ്പ്രസ് വേ നിലവിൽ എട്ട് വരി പാതയാണെങ്കിലും ഭാവിയിൽ 12 വരി പാതയായി വികസിപ്പിക്കാനാകും. ഡൽഹി, ഹരിയാന, രാജസ്ഥാൻ, ഗുജറാത്ത്, മഹാരാഷ്ട്ര എന്നീ അഞ്ച് സംസ്ഥാനങ്ങളിലൂടെയാണ് പാത കടന്നു പോകുന്നത്. അതുകൊണ്ടുതന്നെ ഉത്തരേന്ത്യൻ നഗരങ്ങൾക്ക് രാജ്യ തലസ്ഥാനത്തേയ്ക്കുളള യാത്രാദൂരം കുറയും
Comments