ശ്രീ നഗർ : ജമ്മുകശ്മീരിൽ 25 കിലോ ലഹരി മരുന്നുമായി ഒരാളെ പോലീസ് പിടികൂടി. ജമ്മുകശ്മീരിലെ കുൽഗാം ജില്ലയിലാണ് ഷംസിപോറ സ്വദേശിയായ അബ്ദുൾ റഷീദ് ദാറാ 25 കിലോ ലഹരി മരുന്നുമായി പോലീസിന്റെ പിടിയിലായത്. ഇയാൾക്കെതിരെ എൻഡിപിഎസ് വകുപ്പ് പ്രകാരം കേസെടുത്തിട്ടുണ്ട്.
ലഹരി മരുന്നുകടത്തിനെക്കുറിച്ച് വിശദാന്വേഷണം ആരംഭിച്ചതായി പോലീസ് അറിയിച്ചു. കഴിഞ്ഞ ദിവസവും ജില്ലയിൽ സമാനസംഭവം റിപ്പോർട്ട് ചെയ്തിട്ടുണ്ട്. 700 ഗ്രാം ചരസ് പോലുള്ള നിരോധിത വസ്തുവുമായി ഒരാളെ പോലീസ് അറസ്റ്റ് ചെയ്തിരുന്നു. ഷാക്കിർ ഗുൽസാർ ഭട്ട എന്നയാളാണ് പോലീസിന്റെ പിടിയിലായത്. ഇയാൾക്കെതിരെയും എൻഡിപിഎസ് വകുപ്പ് ചുമത്തി കേസെടുത്തിട്ടുണ്ട്. സംസ്ഥാനത്ത് മയക്കുമരുന്നു കടത്ത് വർദ്ധിച്ചു വരുന്ന സാഹചര്യത്തിൽ അതിർത്തി മേഖലകളിൽ പരിശോധന കർശനമാക്കിയിട്ടുണ്ടെന്ന് പോലീസ് അറിയിച്ചു.
