ഫുട്‌ബോൾ സൂപ്പർതാരം ലയണൽ മെസ്സി ഒരിക്കൽ കൂടി മൈതാനത്ത് കാണികളെ അമ്പരിപ്പിച്ചു. ലില്ലെക്കെതിരായ പിഎസ്ജിയുടെ ഫ്ര‍‍ഞ്ച് ലീഗ് 1 മത്സരത്തിൽ അധിക സമയത്തിന്റെ അവസാന മിനിറ്റിൽ ഫ്രീ-കിക്കിലൂടെ തന്റെ ടീമിനെ വിജയിപ്പിച്ചിരിക്കുകയാണ് താരം. മത്സരം സമനിലയിൽ അവസാനിക്കാനിരിക്കെ 95-ാം മിനിറ്റിലാണ് മെസ്സി ഗേൾ നേടിയത്.
സൂപ്പര്‍ താരങ്ങളായ ലയണല്‍ മെസ്സിയും കിലിയന്‍ എംബാപ്പെയും നെയ്മറും ഒരുമിച്ചിറങ്ങിയ മത്സരമായിരുന്നു ഇത്. എംബാപ്പെ ഇരട്ട ഗോള്‍ എടുത്തപ്പോൾ മെസ്സിയും നെയ്മറും ഓരോ ഗോൾ വീതമെടുത്തു. രണ്ടാം പകുതിയാരംഭിച്ച് ആറ് മിനിറ്റ് പിന്നിടുമ്പോള്‍ കണങ്കാലിന് പരിക്കേറ്റ് സൂപ്പര്‍ താരം നെയ്മര്‍ കളംവിട്ടു. തുടർന്ന് ലില്ലെ മുന്നിലെത്തി, എന്നാൽ 87-ാം മിനിറ്റില്‍ എംബാപ്പെ തിരിച്ചടിച്ചു. മത്സരം സമനിലയിലേക്ക് എത്തുന്നതിന് തൊട്ട് മുന്നിലാണ് മെസ്സി ഫ്രീകിക്കിൽ പിഎസ്ജിയെ വിജയ കിരീടം ചൂടിച്ചത്.
