കൊച്ചി: പൊട്ടിക്കരഞ്ഞ് അമ്മയ്ക്ക് അന്ത്യ ചുംബനം നല്കി യാത്രയാക്കി സിനിമാ താരം ധര്മ്മജന് ബോള്ഗാട്ടി. കഴിഞ്ഞ ദിവസമാണ് ധർമ്മജൻ ബോൾഗാട്ടിയുടെ അമ്മ മാധവി കുമാരൻ (83) അന്തരിച്ചത്. ദിവസങ്ങൾക്ക് മുമ്പാണ് ധര്മജന്റെ ഉറ്റ സുഹൃത്തായ സുബി സുരേഷ് വിടവാങ്ങിയത്. ഈ വേദന മാറും മുന്പാണ് ധര്മ്മജന് അമ്മയെ നഷ്ടമായത്.
അതേസമയം സുബിയുടെ മരണത്തിന് പിന്നാലെ ആശുപത്രിയിലും, അന്ത്യ ചടങ്ങുകളിലും സജീവ സാന്നിധ്യമായിരുന്നു ധര്മ്മജന്. ഇതിന് ശേഷം കൊല്ലത്തേക്ക് ഒരു പരിപാടിക്ക് പോകുന്നതിനിടയിലാണ് അമ്മയുടെ മരണവാർത്ത ധര്മ്മജനെ തേടിയെത്തിയത്.
ഏറെ നാളുകളായി ശ്വാസംമുട്ടലിനെ തുടർന്ന് ചികിത്സയിലായിരുന്നു മാധവി കുമാരൻ. ഇന്നലെ രാത്രി എട്ടുമണിയോടെ ശ്വാസംമുട്ടൽ കൂടിയതോടെ ഇടപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
ധര്മ്മജന്റെ അമ്മയുടെ മരണം അറിഞ്ഞ് ഹരിശ്രീ അശോകന്, രമേഷ് പിഷാരടി, ബാദുഷ എന്നിവരൊക്കെ വീട്ടില് എത്തി ആദരാഞ്ജലികള് അര്പ്പിച്ചു.
തുടർന്ന് സംസ്കാരം ഇന്ന് ചേരാനെല്ലൂരിലെ ശ്മാനശത്തിൽ വൈകീട്ട് മൂന്നിന് നടന്നു. മക്കൾ: ബാഹുലേയന്, ധര്മ്മജന് മരുമക്കള്: സുനന്ദ, അനുജ. പേരക്കുട്ടികള്: അക്ഷയ്, അഭിജിത്, വൈഗ, വേദ
Comments