‘ന്റിക്കാക്കാക്കൊരു പ്രേമണ്ടാര്‍ന്ന്’ എന്ന ചിത്രത്തിലൂടെ ഭാവനയുടെ തിരിച്ചുവരവ് ഏറെ സന്തോഷത്തോടെയും പ്രതീക്ഷയോടെയുമാണ് പ്രക്ഷകർ സ്വീകരിക്കുന്നത്. ആദിൽ എം അഷറഫ് രചനയും സംവിധാനവും നിർവ്വഹിച്ച ചിത്രം ഒരു പ്രണയകഥയാണ് പറയുന്നത്. ഭാവന നായികയായെത്തുന്ന സിനിമയില്‍ ഷറഫുദ്ദീനാണ് നായകന്‍. അഞ്ചു വര്‍ഷങ്ങള്‍ക്ക് ശേഷമാണ് ഭാവന മലയാളത്തിലേക്ക് എത്തുന്നത്. ഇന്ന് തിയേറ്ററുകളിൽ റിലീസ് ചെയ്ത ചിത്രത്തിന് നിറഞ്ഞ പിന്തുണയാണ് ലഭിക്കുന്നത്.
https://www.instagram.com/reel/CpC4zh9paNZ/?utm_source=ig_web_copy_link
ഇപ്പോഴിതാ ഇന്‍സ്റ്റഗ്രാമിലൂടെ ഒരു വീഡിയോ പങ്കുവെച്ച് എത്തിയിരിക്കുകയാണ് ഭാവന. അഞ്ച് വര്‍ഷങ്ങള്‍ക്ക് ശേഷം താന്‍ ചെയ്യുന്ന സിനിമയായതുകൊണ്ടുതന്നെ വലിയ ടെന്‍ഷനുണ്ടെന്നും ആദ്യ സിനിമ റിലീസ് ചെയ്യുന്നതുപോലെയാണ് തോന്നുന്നതെന്നും ഭാവന വീഡിയോയില്‍ പറഞ്ഞു.
കഴിവതും തിയേറ്ററില്‍ പോയി സിനിമ കാണണമെന്നും തനിക്ക് എല്ലാവരുടെയും പിന്തുണ വേണമെന്നും റിവ്യൂസ് അറിയിക്കണമെന്നും ഭാവന വീഡിയോയില്‍ വ്യക്തമാക്കി. സിനിമ നല്ലതാണെങ്കിലും മോശമാണെങ്കിലും അറിയിക്കണമെന്നും എല്ലാവര്‍ക്കും സിനിമ ഇഷ്ടപ്പെടുമെന്നാണ് കരുതുന്നതെന്നും ഭാവന പറഞ്ഞു.
