1921-പുഴ മുതൽ പുഴവരെ എന്ന ചിത്രത്തിന് ആശംസകളുമായി ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ. മലബാറിലെ മാപ്പിള കലാപമെന്ന ഹിന്ദു വംശഹത്യയുടെ യാഥാർത്ഥ്യം അനവരണം ചെയ്യുന്ന ചലചിത്രമാണ് രാമസിംഹൻ അബൂബക്കർ സംവിധാനം ചെയ്യുന്ന 1921-പുഴ മുതൽ പുഴവരെ. മലബാർ കലാപത്തെ വെള്ളപൂശുന്ന സാഹചര്യത്തിലാണ് പുഴ മുതൽ പുഴവരെ എന്ന ചിത്രം പുറത്തിറക്കാൻ സംവിധായകൻ തയ്യറാകുന്നത്. മാർച്ച്് 3നാണ് ചിത്രം പുറത്തിറങ്ങുന്നത്.
‘അതിഭീകരമായ ഹിന്ദുവംശഹത്യയായിരുന്നു മലബാറിലെ മാപ്പിള ലഹള. മഹാത്മാഗാന്ധിയും കെ. മാധവൻനായരും കെ.കേളപ്പനും അത് തുറന്നുപറഞ്ഞിട്ടുണ്ട്. കുമാരനാശാന്റെ ദുരവസ്ഥ അതിന്റെ നേർച്ചിത്രമാണ്. ഇ.എം.എസും ഇടതുചരിത്രകാരന്മാരും വാദ്ര കോൺഗ്രസ്സും ചേർന്ന് അതിനെ മഹത്തായ സ്വാതന്ത്ര്യസമരമാക്കി മലയാളിക്കു വിളമ്പി. രാമസിംഹന്റെ പുഴമുതൽ പുഴവരെ യഥാർത്ഥചരിത്രത്തിലേക്കുള്ള എത്തിനോട്ടമാവുമെന്നതിൽ സംശയമില്ല.മാർച്ച് 3 ന് അഭ്രപാളികളിലെത്തുന്ന ഈ സിനിമയ്ക്ക് എല്ലാ ആശംസകളും നേരുന്നു’ കെ. സുരേന്ദ്രൻ ഫേസ്ബുക്കിൽ കുറിച്ചു
