ഭാഗം ഒന്ന്
ഒരു വ്യക്തിയുടെ സ്വഭാവ രൂപീകരണത്തെ സ്വാധീനിക്കുന്ന നിരവധി കാര്യങ്ങളുണ്ട്. ജനിച്ച സാഹചര്യം, ചുറ്റുപാടുകൾ, സുഹൃത്തുക്കൾ തുടങ്ങിയവ ചിലതുമാത്രം. എന്നാൽ വ്യക്തിയുടെ അടിസ്ഥാനസ്വഭാവത്തെ നിയന്ത്രിക്കുന്ന മറ്റു ചിലഘടകങ്ങളുമുണ്ടെന്നു ജ്യോതിഷം പറയുന്നു. ജന്മദിനത്തിന്റെ സ്വാധീനം ഒരുവ്യക്തിയുടെ സ്വഭാവനിർണയത്തിൽ പ്രധാനഘടകമാകാമെന്നാണ് ജ്യോതിഷം പറയുന്നത്. ഓരോ വ്യക്തിയുടെയും പൊതുസ്വഭാവം ജന്മദിനത്തിന്റെ പ്രത്യേകത അനുസരിച്ച് വ്യത്യാസപ്പെട്ടിരിക്കും.
ഞായറാഴ്ച ജനിച്ചവർ
സൂര്യദേവനു പ്രാധാന്യമുള്ള ഞായറാഴ്ച ജനിച്ചവർ എല്ലാക്കാര്യങ്ങളിലും ശോഭിക്കുന്നവരാണ്. എല്ലായിടത്തും ഒന്നാമതെത്താൻ ശ്രമിക്കുന്നവരാണിവർ. ബുദ്ധിവൈഭവം കൊണ്ട് സമൂഹത്തിൽ മുൻപന്തിയിൽ ഇവരെക്കാണാനാകും. ഇവർക്കു പ്രാധാന്യം നൽകുന്നവരെ മാത്രമേ ഇക്കൂട്ടർ സുഹൃത്തുക്കളാക്കുകയുള്ളൂ. അതിനാൽ അടുത്ത സുഹൃത്തുക്കൾ കുറവായിരിക്കും.
പെട്ടെന്ന് ദേഷ്യപ്പെടുന്ന പ്രകൃതക്കാരായ ഇക്കൂട്ടർ പെട്ടന്നു തന്നെ ശാന്തരുമാവും. സ്വതന്ത്രമായി തീരുമാനങ്ങളെടുക്കുന്ന ഇവർ മറ്റുള്ളവരുടെ ഉപദേശങ്ങൾക്കു ചെവികൊടുക്കാറില്ല. ഏറ്റെടുത്ത കാര്യങ്ങളിലെല്ലാം തങ്ങളുടേതായ രീതിയിലുള്ള പൂർണത വരുത്തണമെന്ന് ആഗ്രഹിക്കുന്നവരാണ് ഇക്കൂട്ടർ.
ഞായര് ദിവസം ജനിച്ചവര് ഒരുകാര്യം തീരുമാനിച്ചു ഉറപ്പിച്ചു മുന്നിട്ടിറങ്ങിയാല് വിജയമുറപ്പെന്നാണ് സംഖ്യജ്യോതിശാസ്ത്രം പറയുന്നത്.
19 വയസ്സിനു ശേഷം ഓരോ 9 വര്ഷം കൂടുമ്പോഴും വളരെ നല്ല ഒരു വർഷം ജീവിതത്തിൽ ഉണ്ടാകും. ഒപ്പം സമ്പത്തും ഐശ്വര്യവും ഫലം. തങ്ങളുടെ വാക്കിന് വില കല്പ്പിക്കുന്നവരായിരിക്കും ഈ ദിവസക്കാര്. ബന്ധുക്കളുടെ സ്നേഹവുമുണ്ടാകും.
തിങ്കളാഴ്ച ജനിച്ചവർ
എല്ലാക്കാര്യത്തിലും അധികാരസ്വഭാവം കാട്ടുന്നവരാണ് തിങ്കളാഴ്ച ജനിച്ചവർ. ഇത് ചില സമയങ്ങളിൽ മറ്റുള്ളവർക്ക് അപ്രീതിയുണ്ടാക്കാൻ കാരണമാവും. ജീവിതത്തിൽ എളിമയും സഹാനുഭൂതിയും വച്ചുപുലർത്തുമെങ്കിലും അധികാരമനോഭാവം ഇതിനെയെല്ലാം നിഷ്പ്രഭമാക്കും. കഠിനാദ്ധ്വാനികളും ആത്മാർഥതയുള്ളവരുമായിരിക്കും ഇക്കൂട്ടർ. കുടുംബജീവിതത്തിനു ഏറെ വിലകൽപ്പിക്കുന്ന ഇക്കൂട്ടർ മറ്റുള്ളവരെ സംരക്ഷിക്കുന്നതിലും മുന്നിട്ട് നിൽക്കും.
തിങ്കള് ദിവസം ജനിച്ചവര്ക്ക് 2, 7, 11, 16, 20, 25, 29 എന്നീ തീയതികള് ഭാഗ്യം കൊണ്ടുവരുമെന്നാണ് വിശ്വസം. സുഖലോലുപരാകും ഇത്തരക്കാര്. പെരുമാറ്റവും നന്നായിരിക്കും. സാവധാനം ഉന്നതി കൈവരും. ആദ്യം സാമ്പത്തിക പ്രതിസന്ധി അനുഭവപ്പെട്ടാലും തൊഴിലില് ലാഭം കൈവരിക്കും. നന്മതിന്മകള് തിരിച്ചറിഞ്ഞ് മികച്ചരീതിയില് പ്രതികരിക്കാനും കഴിയും. ഇരുപതു വയസ്സു കഴിഞ്ഞാല് 9 വര്ഷത്തിലൊരിക്കല് നല്ലകാലത്തിനും സാക്ഷിയാകും.
ചൊവ്വാഴ്ച ജനിച്ചവർ
നേതൃത്വപാടവമുള്ളവരും ഉറച്ചതീരുമാനമെടുക്കാൻ പ്രാപ്തിയുള്ളവരുമാണ് ചൊവ്വാഴ്ച ജനിച്ചവർ. മറ്റുള്ളവർ മടിച്ചു നിൽക്കുന്ന കാര്യങ്ങൾ സാഹസികമായി ഏറ്റെടുക്കുന്നവരും ഏറ്റെടുത്ത കാര്യങ്ങൾ ഉത്സാഹത്തോടെ ചെയ്തു തീർക്കാൻ പരിശ്രമിക്കുന്നവരും ആയിരിക്കും. മുൻകോപികളും ചിട്ടയോടെ കാര്യങ്ങൾ നിർവഹിക്കുന്നവരും അത്യുൽസാഹികളും അക്ഷമരും ധൈര്യശാലികളുമാണ് ഇക്കൂട്ടർ. മുൻകോപവും അക്ഷമയും ഇവരുടെ കുടുംബജീവിതത്തിൽ ചിലപ്പോൾ താളപ്പിഴകൾ ഉണ്ടാക്കിയേക്കാം.
കാര്യങ്ങൾ വെട്ടിത്തുറന്നു പറയുന്ന ഇവരുടെ സ്വഭാവം ചിലപ്പോൾ മറ്റുള്ളവരിൽ അതൃപ്തിക്കിടയാക്കിയേക്കാം, അതിനാൽവാക്കുകൾ വളരെ സൂക്ഷിച്ചുപയോഗിക്കണം. തൊട്ടാവാടികളായ ഇക്കൂട്ടർ വിമർശനങ്ങളിൽ പതറിപോകും. എടുത്തുചാട്ടക്കാരായ ഇക്കൂട്ടർ ഒന്നുരണ്ടുതവണ ആലോചിച്ചശേഷം മാത്രം സുപ്രധാനതീരുമാനങ്ങൾ എടുക്കുക പ്രശ്നങ്ങളെ അഭിമുഖീകരിക്കുമ്പോൾ മിതത്വം പാലിക്കുന്നത് തൊഴിൽ വിജയത്തിന് ഉത്തമമാണ്.
ചൊവ്വദിവസം ജനിച്ചവര് അല്പം കര്ശന സ്വഭാവക്കാരായിരിക്കും. പതിനെട്ടു വയസ്സു മുതല് ഒമ്പതു വര്ഷത്തിലൊരിക്കല് മാറ്റം അനുഭവപ്പെടും. വിദ്യാഭ്യാസം കഴിയുന്നതോടെഉന്നതിയും സമ്പത്തും കൈവരും. 9,18,27എന്നീ തീയതികളില് ആരംഭിക്കുന്ന കാര്യങ്ങള് വിജയപ്രദമാകും. ഈ ഭാഗ്യതീയതികള് ഗൃഹനിര്മ്മാണം, ഭൂമിവാങ്ങല്, പുതിയ തൊഴില് തുടങ്ങാന്, പുതിയ സുഹൃത്തുക്കളെ കാണല്, പുതിയ കരാറുകളില് ഒപ്പിടല് എന്നീ കാര്യങ്ങള്ക്കും ശുഭകരം.
(തുടരും)
ജയറാണി ഈ വി .
പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു .
WhatsApp No : 9746812212
Comments