ആഴ്ചയിൽ 150 മിനിറ്റോളം എയ്റോബിക് വ്യായാമം ചെയ്താൽ കരൾ സംബന്ധമായ രോഗങ്ങളെ അകറ്റാം. നോൺ ആൽക്കഹോളിക് ലിവർ രോഗങ്ങൾ ബാധിച്ചവർക്ക് എയ്റോബിക് വ്യായാമം ഫലപ്രദമാണെന്ന് പഠനങ്ങൾ.
ഓക്സിജന്റെ വിതരണവും ഉപയോഗവും വർധിപ്പിക്കുന്നതിനായുള്ള ശാരീരിക വ്യായാമമാണ് എയ്റോബിക് വ്യായാമം. പേശികളുടെ ഉറപ്പിനും ഹൃദയത്തിന്റെയും രക്തധമനികളുടെയും പ്രവർത്തനക്ഷമതയ്‌ക്കും ഇത് ഏറെ പ്രയോജനകരമാണ്.
ജോഗിങ്, സൈക്ലിങ്, നൃത്തം, നീന്തൽ തുടങ്ങിയവയാണ് എയ്റോബിക് വ്യായാമത്തിൽ ഉൾപ്പെടുന്നത്. കരൾ സംബന്ധമായ രോഗങ്ങൾ ഒരു പരിധി കടന്നാൽ ലിവർ സിറോസിസിന് വഴിവെക്കും. അതിനാൽ എയറോബിക്ക് വ്യായാമങ്ങൾ മുടങ്ങാതെ ചെയ്യുന്നത് ആരോഗ്യ നിലനിർത്താൻ സഹായിക്കും.
