മകൾ പിറന്ന സന്തോഷത്തിലാണ് നടനും സംവിധായകനുമായ ബേസിൽ ജോസഫും ഭാര്യ എലിസബത്തും. സന്തോഷം ഇരട്ടിയാക്കാൻ സസ്പെൻസുമായി പ്രിയ സുഹൃത്ത് എത്തി. അതെ.., ബേസിലിന്റെ കുഞ്ഞുമകൾക്ക് കൈനിറയെ സമ്മാനങ്ങളുമായി ക്രിക്കറ്റ് താരം സഞ്ജു സാംസണും ഭാര്യ ചാരുലതയുമാണ് എത്തിയത്. ഇരുവരും സമ്മാനവുമായാണ് എത്തിയത്.
കുഞ്ഞിനെ കാണാനെത്തിയ വിവരം ബേസിൽ തന്നെയാണ് സമൂഹമാദ്ധ്യമങ്ങളിൽ പങ്കുവെച്ചത്. സഞ്ജുവിനും ചാരുലതയ്ക്കുമൊപ്പം എലിസബത്തിനും മകൾ ഹോപ്പിനും മറ്റ് കുടുംബാംഗങ്ങൾക്കുമൊപ്പം പകർത്തിയ സെൽഫി പങ്കുവെച്ചാണ് ബേസിൽ സന്തോഷം പങ്കിട്ടത്.
‘ ലോഡ് കണക്കിന് സമ്മാനങ്ങളുമായി സഞ്ജു അങ്കിളും ചാരു ആന്റിയും വീട്ടിലെത്തി’ എന്നാണ് ഇരുവരെയും ടാഗ് ചെയ്ത് ബേസിൽ കുറിച്ചത്. കുഞ്ഞിന്റെ പിറവിയിൽ സന്തോഷമറിയിച്ച് ‘സഞ് ച’ എന്ന പേരിൽ മുൻപ് ഇരുവരും കാർഡ് അയച്ചിരുന്നു. ഇതും ബേസിൽ ഇൻസ്റ്റഗ്രാം പോസ്റ്റിൽ പങ്കുവെച്ചിട്ടുണ്ട്.
പോസ്റ്റ്
മകൾ പിറന്ന വാർത്ത കഴിഞ്ഞ ദിവസമാണ് ബേസിൽ ഏവരെയും അറിയിച്ചത്. കുഞ്ഞിനും എലിസബത്തിനൊപ്പമുള്ള ചിത്രം പങ്കുവെച്ചായിരുന്നു കുഞ്ഞ് പിറന്ന വിവരം അറിയിച്ചത്. 2017-ലാണ് ഇരുവരും വിവാഹിതരായത്.
