90-സ് കിഡ്സിനെ നൊസ്റ്റു അടിപ്പിച്ച് ഒരു ഐഎഎസ് ഉദ്യോഗസ്ഥൻ. അവനീഷ് ശരണാണ് ഗൃഹാതുരത്വമുണർത്തുന്ന ചിത്രം പങ്കുവെച്ചത്. 1968 മുതലുള്ള ആറ് വ്യത്യസ്ത ഇന്ത്യൻ നാണയങ്ങളുടെ ചിത്രം പങ്കുവെച്ചാണ് ഇന്റർനെറ്റ് ഉപയോക്താക്കളെ കൈയ്യിലെടുത്തത്. ഈ പൈസ ഉപയോഗിച്ച് വാങ്ങിയ സാധാനങ്ങൾ ഓർമ്മയുണ്ടോയെന്ന അടിക്കുറിപ്പോടെയാണ് ശരൺ ചിത്രങ്ങൽ പങ്കുവെച്ചത്.
इनमें से किस सिक्के से आपने कुछ ख़रीदा है ? pic.twitter.com/bCLkOCo0D3
— Awanish Sharan (@AwanishSharan) February 25, 2023
മണിക്കൂറുകൾക്കുള്ളിൽ ദശലക്ഷത്തോളം ആളുകളാണ് പോസ്റ്റ് കണ്ടത്. നിരവധി പേരാണ് കമന്റ് ബോക്സിൽ ഓർമ്മകൾ പങ്കുവെച്ചത്. 90-കളിലെ മനോഹരമായ യുഗം പോയി എന്നും ഇത്രത്തോളം വയസായോ എന്നുള്ള കമന്റുകൾ പലരും പങ്കുവെച്ചു. 50 പൈസയ്ക്ക് എക്ലെയർസ്, പാൻ പസന്ദ്, തുടങ്ങി നിരവധി മിഠായികൾ കൈനിറയെ കിട്ടിയിരുന്ന കാലമായിരുന്നു എന്നൊരു ഉപയോക്താവ് എഴുതി.
ഒരു പൈസയുടെ നാണയം ചിത്രത്തിൽ ഉൾപ്പെടുത്തിയിട്ടില്ലെന്നാണ് മറ്റൊരു ഉപയോക്താവ് കുറിച്ചത്. താൻ സ്കൂളിൽ പഠിക്കുന്ന സമയത്ത് 10 എണ്ണം ഉണ്ടായിരുന്നതായും ധനികനാണ് താനെന്നും കരുതിയിരുന്ന കാലമായിരുന്നു അത്. രൂപയുടെ മൂല്യം വർദ്ധിച്ചെന്നും അദ്ദേഹം കൂട്ടിച്ചേർത്തു.
