അടുത്തിടെ ഇറങ്ങിയ പാൻ ഇന്ത്യൻ സിനിമകളിൽ ഏറ്റവും വലിയ വിജയമായിരുന്നു കന്നഡ ചിത്രമായ കാന്താരയ്ക്ക്. ഈ ഹിറ്റ് ചിത്രത്തിലൂടെ ലോകമെമ്പാടുമുള്ള ആരാധകരെ നേടിയെടുത്ത താരമാണ് ഋഷഭ് ഷെട്ടി. ഇപ്പോഴിതാ തന്റെ ഭാര്യ പ്രഗതിയ്ക്ക് മനോഹരമായ ജന്മദിന ആശംസകൾ നേർന്ന് രംഗത്ത് എത്തിയിരിക്കുകയാണ് ഋഷഭ് ഷെട്ടി. പ്രഗതിക്കൊപ്പമുള്ള ഒരു ഫോട്ടോയും ട്വിറ്ററിൽ പങ്കുവെച്ചിട്ടുണ്ട് താരം.
‘നിന്റെ മികച്ച പിന്തുണയ്ക്കും തനിക്കും തന്റെ പ്രവർത്തനങ്ങൾക്കും നെടുംതൂണായി നിൽക്കുന്നതിനും എത്ര നന്ദി പറഞ്ഞാലും മതിയാകില്ല എന്നുമാണ് ഭാര്യയ്ക്ക് സന്തോഷകരമായ ജന്മദിന ആശംസകൾ നേർന്ന് കൊണ്ട് ഋഷഭ് ഷെട്ടി ട്വിറ്ററിൽ കുറിച്ചിരിക്കുന്നത്.
Happiest Birthday to my Sweetheart ♥️
Cannot thank you enough for your everlasting support and for being the Pillar of Strength to me and my work.
ನೂರು ಕಾಲ ಖುಷಿಯಾಗಿ ಬಾಳು ✨ pic.twitter.com/5u95Z6NMfU
— Rishab Shetty (@shetty_rishab) February 28, 2023
കാന്താര’യിലെ ‘ശിവ’ ആയിട്ടുള്ള പ്രകടനത്തിന് ദാദാസാഹേബ് ഫാൽകെ ഇന്റർനാഷണൽ ഫിലിം ഫെസ്റ്റിവൽ 2023-ൽ മോസ്റ്റ് പ്രോമിസിംഗ് ആക്ടർ അവാർഡ് ഋഷഭ് ഷെട്ടിയ്ക്ക് ലഭിച്ചിരുന്നു. അത്ഭുതപ്പെടുത്തുന്ന പ്രകടനമായിരുന്നു ചിത്രത്തിൽ താരത്തിന്റേത്. മികച്ച നിരൂപക പ്രശംസ പിടിച്ചുപ്പറ്റിയ കാന്താര 400 കോടിയ്ക്ക് മുകളിലാണ് കളക്ഷൻ നേടിയത്. അപ്രതീക്ഷിത വിജയത്തിന് പിന്നാലെ ചിത്രത്തിന്റെ രണ്ടാം ഭാഗം ‘കാന്താര 2’ അധികം വൈകാതെ തന്നെ ഉണ്ടാകുമെന്ന് ഹൊംബാളെ ഫിലിംസിന്റെ സഹസ്ഥാപകൻ വിജയ് കിരങ്ങണ്ടൂർ വെളിപ്പെടുത്തിയിരുന്നു.
ഋഷഭ് ഷെട്ടി രചനയും സംവിധാനവും നിർവഹിച്ച് നായകനായി എത്തിയ കാന്താര, ആരാധകർക്കിടയിൽ സൃഷ്ടിച്ച ഓളം അത്ര ചെറുതൊന്നും അല്ല. സെപ്റ്റംബർ 30-ന് റിലീസ് ചെയ്ത ചിത്രം കേരളത്തിലും സൂപ്പർഹിറ്റായി മാറിയിരുന്നു. കന്നഡയ്ക്ക് പുറമെ മലയാളം, ഹിന്ദി, തെലുങ്ക്, തമിഴ്, ഭാഷകളിലും മൊഴി മാറ്റി പ്രദർശനത്തിന് എത്തിയിട്ടുണ്ട്. നവംബർ 24 ന് ഒടിടിയിൽ എത്തി. കർണാടകത്തിലെ ഒരു ഗ്രാമവും അവിടത്തെ വിശ്വാസവുമാണ് ചിത്രം ചർച്ച ചെയ്യുന്നത്. ഋഷഭിന് പുറമെ സപ്തമി ഗൗഡ, കിഷോർ, അച്യുത് കുമാർ, പ്രമോദ് ഷെട്ടി, ഷനിൽ ഗുരു, പ്രകാശ് തുമിനാട്, മാനസി സുധീർ, നവീൻ ഡി പടീൽ, സ്വരാജ് ഷെട്ടി, ദീപക് റായ് പനാജി, പ്രദീപ് ഷെട്ടി, രക്ഷിത് രാമചന്ദ്രൻ ഷെട്ടി, പുഷ്പരാജ് ബൊല്ലാറ തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
