“Without Mathematics ഭൂമി വെറും വട്ടപ്പൂജ്യം മാത്രമാണ്” എന്ന കടുവ മാഷിന്റെ പ്രസിദ്ധമായ ഡയലോഗ് ഓർമ്മയില്ലാത്ത മലയാളി ഉണ്ടാകില്ല.അതെന്തായാലും തർക്കത്തിനില്ല പക്ഷെ മനുഷ്യജീവിതത്തിൽ മാത്തമാറ്റിക്സ്ന് ചിലതൊക്കെ ചെയ്യാൻ കഴിയുമെന്ന് ഉറപ്പാണ്. കടുത്ത ജാതക ദോഷങ്ങൾ പോലും നുറോളജി ശരിയാക്കി മാറ്റുന്നത് നേരിട്ട് അനുഭവം ഉണ്ട്.
സംഖ്യാജ്യോതിഷമനുസരിച്ച്, ഒന്നുമുതല് ഒന്പതു വരെയുള്ള എല്ലാ സംഖ്യകള്ക്കും ഓരോ പ്രത്യേകതകള് ഉണ്ട്. ഒരാളുടെ ജന്മദിനം, ദിവസം, പേരിന്റെ ന്യുമറോളജി ഒക്കെ കണക്ട് ചെയ്തു പല തടസങ്ങളും മാറ്റാൻ കഴിയും. എന്തിനു കൂടുതൽ ഒരാളുടെ വ്യക്തിത്വത്തിന്റെ ആഴമളക്കുവാന് അയാളുടെ ജനനതീയതിവഴി സാധ്യമാകും.
ഒരാളുടെ ലൈഫ് പാത്ത് നമ്പര് കണ്ടെത്താം
നിങ്ങളുടെ ജനന മാസം, തീയതി, വര്ഷം എന്നിവ അക്കങ്ങള് ആയി എഴുതുക. ഉദാഹരണം, മാര്ച്ച് 24, 1950 = 03/24/1950
ജനനതീയതിയിലെ എല്ലാ സംഖ്യകളും തമ്മില് കൂട്ടുക. അതായത് 03/24/1950 എന്നാൽ 0+3+2+4+1+9+5+0= 24
ഈ തുകയിലെ ഒരക്കം കിട്ടുന്നത് വരെയോ അല്ലെങ്കില് 11, 22 എന്നീ സംഖ്യകളില് ഏതെങ്കിലുമോ കിട്ടുന്നത് വരെയോ തമ്മില് കൂട്ടുക. നമ്മുടെ ഉദാഹരണത്തിൽ 24 തമ്മിൽ കൂട്ടി 2+4=6
ഈ സംഖ്യയാണ് ആ വ്യക്തിയുടെ (നിങ്ങളുടെ) ലൈഫ് പാത്ത് നമ്പര്. ഇതു നിങ്ങളുടെ വ്യക്തിത്വത്തെ സ്വാധീനിക്കുന്ന ഒന്നാണെന്നു സംഖ്യാജ്യോതിഷം പറയുന്നു.
സംഖ്യ ഒന്ന്: സംഖ്യാശാസ്ത്രമനുസരിച്ച്, ഒന്ന് സ്വാതന്ത്ര്യത്തിന്റെ ലക്ഷണമാണ്. ഇവര്ക്ക് ലക്ഷ്യബോധം വളരെ കൂടുതല് ആയിരിക്കും.ഇവര് എന്തെങ്കിലും ഒന്ന് നടക്കണമെന്നു വിചാരിച്ചാല്, പിന്നെ ഒരു തടസ്സവും അവരെ ബാധിക്കുകയില്ല. ഏകാഗ്രതയോടെ മുന്നേറിയാല് മഹത് വ്യക്തിയാകാനുള്ള എല്ലാ കഴിവുകളുമുള്ളവരാണെങ്കിലും മറ്റുള്ളവരുടെ മനസ്സിനെ അറിയാനുള്ള കഴിവുകള് ഇവര്ക്ക് കുറവായിരിക്കും.
സംഖ്യ രണ്ട്: ഇവര് വീണ്ടുവിചാരമുള്ള ആളുകളായിരിക്കും. സംഘമായി പ്രവര്ത്തിക്കുവാനും, പ്രശ്നങ്ങള് പെട്ടെന്ന്പരിഹരിക്കാനുമുള്ള ഇവരുടെ കഴിവ് ശ്രദ്ധിക്കേണ്ടതാണ്. ഇവര് ഒരു വിഷയത്തിന്റെ രണ്ടു വശത്തുനിന്നും ചിന്തിക്കുന്നവരും, പ്രശ്നങ്ങള് വന്നാല് പെട്ടെന്ന് പരിഹാരം കണ്ടെത്താന് കഴിയുകയോ അല്ലെങ്കില് അതില് പകച്ച് പോവുകയോ ചെയ്യുന്ന കൂട്ടരുമാണ് .
സംഖ്യ മൂന്ന്: സമൂഹത്തോട് ഇണങ്ങി ജീവിക്കാന് താത്പര്യപ്പെടുന്ന കൂട്ടരാണ് ഇവര്. രസികരും മറ്റുള്ളവരോട് നന്നായി ഇടപെഴകുന്നവരുമായ ഇവര്, ആഘോഷം നിറഞ്ഞ ജീവിതം നയിക്കാന് ആഗ്രഹിക്കുന്നവരാണ്. വളരെ അധികം സര്ഗാത്മക ശേഷിയുള്ള ഇവര്, പല കലാ മേഖലയിലും കഴിവ് പ്രകടിപ്പിക്കാന് കെല്പുള്ളവരാണ്. എന്നാല്, ഇവര്ക്ക് കൂടെയുള്ളവരുടെ പിന്ബലം ഒഴിവാക്കാന് പറ്റാത്തതിനാല്, ദിശ മാറി സഞ്ചരിക്കാനുള്ള സാധ്യത കൂടുതലാണ്.
(തുടരും)
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു .)
Comments