ഫിഫ ലോകകപ്പിൽ ചരിത്ര വിജയം കൊയ്ത അർജന്റീനയുടെ സൂപ്പർതാരം ലയണൽ മെസ്സി വ്യത്യസ്തമായ രീതിയിൽ തന്റെ വിജയം ആഘോഷിക്കുകയാണ്. തന്റെ ടീം അംഗങ്ങൾക്കും സപ്പോർട്ട് സ്‌റ്റാഫിനും സ്വർണ ഐഫോണുകൾ സമ്മാനിക്കാൻ മെസ്സി ഒരുങ്ങുകയാണെന്ന വാർത്തയാണിപ്പോൾ പുറത്ത് വരുന്നത്.
ലയണൽ മെസ്സി ഇതിന് വേണ്ടി 35 ഐഫോണുകളാണ് ഓർഡർ ചെയ്‌തിരിക്കുന്നത്. 175,000 യൂറോയാണ് ഐഫോണുകളുടെ മൊത്തം മൂല്യം. അതായത് ഏകദേശം 1.73 കോടി രൂപയോളം വില വരും. ഐഫോണിൽ കളിക്കാരന്റെ പേരും നമ്പറുകളും അർജന്റീനിയൻ ലോഗോയും കൊത്തിവെച്ചിട്ടുണ്ടെന്നാണ് അന്താരാഷ്‌ട്ര മാദ്ധ്യമങ്ങൾ റിപ്പോർട്ട് ചെയ്യുന്നത്.
2022- ലെ ഫിഫ ലോകകപ്പ് ഫ്രാൻസിനെ തോൽപ്പിച്ചാണ് അർജന്റീന തന്റെ സ്വപ്നം സാക്ഷാത്കരിച്ചത്. മെസ്സിയുടെ ആദ്യ ലോകകപ്പ് ട്രോഫിയായിരുന്നു ഇത്. മെസ്സി തന്റെ വിജയം ആഘോഷിക്കാൻ വ്യത്യസ്തമായി എന്തെങ്കിലും ചെയ്യാൻ ആഗ്രഹിച്ചതിന്റെ ഫലമായാണ് ടീം അംഗങ്ങൾക്ക് സ്വർണ ഐഫോണുകൾ ലഭിക്കുന്നത്.
Comments