മാദ്ധ്യമ പ്രവർത്തക സഞ്ജുക്തയുടെ ട്വീറ്റിന് ചുട്ട മറുപടി നൽകി ഖുഷ്ബു സുന്ദർ. സമൂഹമാദ്ധ്യമത്തിൽ അൺഫോളോ ചെയ്തുവെന്ന പോസ്റ്റിനുള്ള മറുപടിയായാണ് ട്വീറ്റ് ചെയ്തത്.
എന്നെ ഫോളോ ചെയ്യാൻ ഞാൻ നിങ്ങളോട് ഒരിക്കലും ആവശ്യപ്പെട്ടിട്ടില്ല. എന്നെ അൺഫോളോ ചെയ്യുന്നതിനുള്ള സ്വാതന്ത്ര്യം നിങ്ങൾക്കുണ്ട്. തിരഞ്ഞെടുക്കുന്നതിനുള്ള സ്വാതന്ത്ര്യവും നിങ്ങൾക്കുണ്ട്. എന്റെ രീതികൾ നിങ്ങളെ നിരാശപ്പെടുത്തിയെങ്കിൽ ഖേദിക്കുന്നു.
മനസ്സാക്ഷിയോടും പ്രബുദ്ധതയോടും കൂടി കുട്ടികൾക്കും സ്ത്രീകൾക്കും വേണ്ടി പ്രയത്നിക്കും. എന്റെ രാജ്യമാണ് എനിക്ക് വലുതെന്നും ഖുഷ്ബു ട്വീറ്റിലൂടെ അറിയിച്ചു.
കഴിഞ്ഞ ദിവസമാണ് വനിത കമ്മീഷൻ അംഗമായി ഖുഷ്ബു സുന്ദർ ചുമതലയേറ്റത്. ഇതിന് പിന്നാലെ മാദ്ധ്യമപ്രവർത്തകയായ സഞ്ജുക്ത ബസു ഖുഷ്ബുവിനെ മെൻഷൻ ചെയ്ത് ട്വീറ്റ് ചെയ്യുകയായിരുന്നു.
വളരെയധികം ദുഃഖത്തോടെ അൺഫോളോ ചെയ്യുന്നതായി അറിയിക്കുന്നു. ജീവിതത്തിൽ വളരെയധികം മുന്നോട്ട് പോയ നിങ്ങൾ ഇപ്പോൾ രാ്ഷ്ട്രിയത്തിലെത്തി നിൽക്കുന്നു. ഒരു ഫെമിനിസ്റ്റ് കാഴ്ചപ്പാടിൽ അതിനെ അഭിനന്ദിക്കുന്നുവെങ്കിലും വളരെ താഴ്ന്ന രാഷ്ട്രിയനിലയാണെന്നുമായിരുന്നു മാദ്ധ്യമപ്രവർത്തകയുടെ ട്വീറ്റ്.
രാഹുൽ ഗാന്ധിയുടെ ട്രോൾ ആർമി എന്നും ഹിന്ദു വിരോധി എന്നും മുൻപ് ടൈമ്സ് നൗ ചാനൽ സഞ്ജുക്ത ബസുവിനെ വിശേഷിപ്പിച്ചത് മുൻപ് വിവാദമായിരുന്നു.
