ദിവസങ്ങൾക്ക് മുമ്പായിരുന്നു മഹീന്ദ്ര സ്കോർപിയോയുടെ ഒരു വീഡിയോ സോഷ്യൽ മീഡിയയിൽ വൈറലായത്. വെള്ളച്ചാട്ടത്തിന് അടിയിലൂടെ പോകാൻ ശ്രമിക്കുന്ന മഹീന്ദ്ര സ്കോർപിയോ എൻ വാഹനത്തിന് ലീക്ക് സംഭവിക്കുന്നതും വെള്ളം അകത്തേക്ക് തള്ളിവന്ന് സീറ്റുകൾ നനയുന്നതുമായിരുന്നു വീഡിയോയിൽ ഉണ്ടായിരുന്നത്.
സംഭവം ഏറെ ചർച്ചയാവുകയും ചെയ്തിരുന്നു. മഹീന്ദ്രയ്ക്കെതിരെ രൂക്ഷ വിമർശനവും ഉയർന്നു. ഈ സാഹചര്യത്തിൽ വൈറൽ വീഡിയോയ്ക്കും അത് പോസ്റ്റ് ചെയ്ത ട്വിറ്റർ ഹാൻഡിലിനും തക്ക മറുപടിയുമായി എത്തിയിരിക്കുകയാണ് ആനന്ദ് മഹീന്ദ്ര.
വൈറലായ വീഡിയോയിൽ ചെയ്യുന്നത് പോലെ തന്നെ വെള്ളച്ചാട്ടത്തിന് കീഴിൽ മഹീന്ദ്ര സ്കോർപിയോ എൻ ഡ്രൈവ് ചെയ്ത് കൊണ്ടുവരുന്നത് ദൃശ്യങ്ങളിൽ കാണാം. ഇതിന് പിന്നാലെ എസ്യുവിക്കുള്ളിലെ ദൃശ്യങ്ങളും കാണിക്കുന്നുണ്ട്. സ്കോർപിയോയുടെ മുകളിൽ ശക്തിയായി വെള്ളം വീഴുന്നുണ്ടെങ്കിലും യാതൊരു ലീക്കേജും സംഭവിക്കുന്നില്ല. വെള്ളം സീറ്റിലേക്ക് വരികയോ കാറിന്റെ അകത്തെ ഭാഗങ്ങൾ നനയുകയോ ചെയ്യുന്നില്ല.
Just another day in the life of the All-New Scorpio-N. pic.twitter.com/MMDq4tqVSS
— Mahindra Scorpio (@MahindraScorpio) March 4, 2023
വൈറൽ വീഡിയോ വലിയ വിമർശനങ്ങൾക്ക് കാരണമായതിന്റെ പശ്ചാത്തലത്തിൽ കമ്പനിക്ക് നൽകാൻ കഴിയുന്ന ഏറ്റവും ഉചിതമായ മറുപടിയാണ് ഈ വീഡിയോയെന്ന് പോസ്റ്റിന് താഴെ അഭിപ്രായങ്ങളുയർന്നു. ഇതിനോടകം രണ്ട് ലക്ഷത്തോളം ആളുകളാണ് ആനന്ദ് മഹീന്ദ്രയുടെ വീഡിയോ കണ്ടത്.
