ബോളിവുഡിലെ ഏറ്റവും മികച്ച നടന്മാരിൽ ഒരാളാണ് അനുപം ഖേർ. നാല് പതിറ്റാണ്ടോളം നീണ്ട സിനിമാ ജീവിതത്തിൽ താരം നിരവധി മികച്ച കഥാപാത്രങ്ങളെയാണ് സമ്മാനിച്ചത്. വ്യത്യസ്തമായ കഥാപാത്രങ്ങളിലൂടെ വലിയൊരു ആരാധക വൃന്ദത്തെ സൃഷ്ടിച്ച താരത്തിന്റെ 67-ാം ജന്മദിനമാണിന്ന്.
തന്റെ ജന്മദിനത്തിൽ താൻ ഈ വർഷം നീന്താൻ പരിശീലിക്കും എന്ന കുറിപ്പുമായി ട്വിറ്ററിൽ വീഡിയോ പങ്കുവെച്ചിരിക്കുകയാണ് നടൻ. പുതിയ വർഷത്തിൽ നീന്തൽ പഠിക്കാൻ ആഗ്രഹിക്കുന്നു എന്നാണ് ട്വീറ്റിലൂടെ അറിയിച്ചത്. ട്വീറ്റിനോടൊപ്പം അദ്ദേഹം നീന്തൽക്കുളത്തിൽ നീന്തൽ പരിശീലിക്കുന്ന ക്ലിപ്പും പങ്കുവെച്ചിട്ടുണ്ട്.
”എനിക്ക് ജന്മദിനാശംസകൾ ഞാൻ തന്നെ നേരുന്നു, ഓരോ പുതിയവർഷവും എന്തെങ്കിലും പുതുതായി ചെയ്യാൻ ഞാൻ ആഗ്രഹിക്കുന്നു. പുതിയ ചക്രവാളങ്ങൾ കണ്ടെത്താൻ ഞാൻ ശ്രമിക്കും. എനിക്കറിയാം എനിക്ക് നീന്താൻ തീരെ അറിയില്ല എന്നത്. ഇപ്പോഴും കഴിയില്ല, പക്ഷെ ഞാൻ ശ്രമിച്ചു തുടങ്ങി! ഇക്കഴിഞ്ഞ നാളുകളിലെല്ലാം നിങ്ങൾ തന്ന എല്ലാ സ്നേഹത്തിനും അനുഗ്രഹങ്ങൾക്കും ഒരുപാട് നന്ദി.” – അനുപംഖേർ ട്വീറ്റ് ചെയ്തു.
സമൂഹമാദ്ധ്യമങ്ങളിൽ നിരധിവപേർ നടന് ആശംസകൾ അറിയിച്ചിട്ടുണ്ട്. 1984-ൽ മഹേഷ് ഭട്ട് സംവിധാനം ചെയ്ത സരൻഷ് എന്ന ചിത്രത്തിലൂടെയാണ് അനുപംഖേർ അഭിനയ ജീവിതത്തിന് തുടക്കം കുറിക്കുന്നത്. തുടർന്ന് തേസാബ്, രാം ലഖൻ, ചാന്ദ്‌നി, പരിന്ദ, ചാൽബാസ് തുടങ്ങിയ ചിത്രങ്ങളിലൂടെ ബോളിവുഡിൽ തന്റെതായ സ്ഥാനം ഉറപ്പിക്കുകയായിരുന്നു. അവസാനമായി അഭിനയിച്ച വിഖ്യാത ചലച്ചിത്രം കശ്മീർ ഫയൽസിന്റെ അഭിയത്തിന് അദ്ദേഹത്തിന് മികച്ച നടനുള്ള ദേശീയ പുരസ്കാരം ലഭിച്ചിരുന്നു.
Happy Birthday to me 😄! आने वाले हर साल में मैं कुछ नया करना चाहूँगा।नये Horizons ढूँढने की कोशिश करूँगा।क्योंकि मैं जानता हूँ कि #कुछभीहोसकताहै! मुझे तैरना बिलकुल नहीं आता था।अभी भी नहीं आता।पर मैंने कोशिश शुरू कर दी! शायद आप भी प्रोत्साहित हो जायें कुछ नया करने के लिए! 💪… pic.twitter.com/wEYYJUirm3
— Anupam Kher (@AnupamPKher) March 7, 2023
