ആഗ്ര : താജ്മഹാൽ നഗരമായ ആഗ്രയും മെട്രോ നഗരമാകുന്നു. ആഗ്ര മെട്രോ പദ്ധതിയ്ക്കായുള്ള ആദ്യ ട്രെയിൻ നഗരത്തിലെത്തി. ഗുജറാത്തിലെ സാൻവാലിയിൽ മേക്ക് ഇൻ ഇന്ത്യ പദ്ധതിക്ക് കീഴിലാണ് ട്രെയിൻ നിർമ്മിച്ചത്. ജില്ലാ മജിസ്ട്രേറ്റ് നവനീത് സിംഗ് ചാഹലിന്റെയും ഉത്തർപ്രദേശ് മെട്രോ റെയിൽ കോർപ്പറേഷൻ എംഡി സുശീൽ കുമാറിന്റെയും മറ്റ് മെട്രോ അധികൃതരുടെയും സാന്നിധ്യത്തിലാണ് ട്രെയിൻ മെട്രോ ഡിപ്പോയിലെത്തിയത്.
‘ആഗ്ര മെട്രോയുടെ ആദ്യ ട്രെയിൻ താജ് നഗരിയിലെത്തി. മെട്രോയിൽ യാത്രചെയ്യുന്നതിനുള്ള ആഗ്ര സ്വദേശികളുടെ സ്വപ്നം ഉടൻ സാക്ഷാത്കരിക്കും’. യുപിഎംആർസി അവരുടെ ഔദ്യോഗിക ട്വിറ്ററിൽ കുറിച്ചു.
आगरावासियों का मेट्रो में सफर का सपना जल्द साकार होगा। #AgraMetro की पहली ट्रेन ताज नगरी पहुंच गई है। पहली ट्रेन की अनलोडिंग UPMRC के एमडी श्री सुशील कुमार की गरिमामयी उपस्थिति में हुई। ट्रेन का निर्माण गुजरात में मेक इन इंडिया के तहत हो रहा है।#UPMetro:साकारहोतेसपने pic.twitter.com/2DjYklBKNs
— Uttar Pradesh Metro Rail Corporation (@OfficialUPMetro) March 6, 2023
ആധുനിക ഫയർ ആൻഡ് ക്രാഷ് സുരക്ഷാ സംവിധാനങ്ങൾ ഉപയോഗിച്ചാണ് ടെയിൻ നിർമ്മിച്ചിരിക്കുന്നത്. ആഗ്ര മെട്രോയിൽ ഒരേസമയം, 974 യാത്രക്കാർക്ക് യാത്ര ചെയ്യാൻ സാധിക്കും. ട്രെയിനുകൾ മണിക്കൂറിൽ 80-90 കിലോമീറ്റർ വേഗതയിൽ സഞ്ചരിക്കും. ഓരോ മെട്രോ ട്രെയിനിലും 24 സിസിടിവി ക്യാമറകൾ സജ്ജീകരിച്ചിട്ടുണ്ട്. ഓരോ ട്രെയിനിലും 56 യുഎസ്ബി ചാർജിംഗ് പോർട്ടുകളും 36 എൽസിഡി ഡിസ്പ്ലേകളും എന്നിവ ഉൾപ്പെുത്തിയിട്ടുണ്ടന്ന് അധികൃതർ അറിയിച്ചു.
ആഗ്ര മെട്രോ റയിൽവേ അടുത്ത വർഷം ഫെബ്രുവരിയിൽ പ്രവർത്തനമാരംഭിക്കുമെന്ന് മെട്രോ അധികൃതർ അറിയിച്ചു. മൂന്ന് കോച്ചുകളുള്ള ആറ് ട്രെയിനുകളാണ് ആദ്യഘട്ടത്തിൽ സർവീസ് നടത്തുന്നത്. എല്ലാ സ്റ്റേഷനുകളിലും ഓരോ അഞ്ച് മിനിറ്റ് ഇടവേളകളിൽ മെട്രോ സർവീസ് നടത്തും. ഓട്ടോമാറ്റിക് ട്രെയിൻ നിയന്ത്രണ സംവിധാനമായിരിക്കും ഇവിടെ ഉപയോഗിക്കുന്നത്. വായുമലിനീകരണം കുറയ്ക്കുന്നതിന് ട്രെയിനുകളിൽ ആധുനിക പ്രൊപ്പൽഷൻ സംവിധാനവും സാധ്യമാക്കും. കാർബൺ ഡൈ ഓക്സൈഡ് സെൻസർ അധിഷ്ഠിത എയർ കണ്ടീഷനിംഗ് സംവിധാനവും ട്രെയിനുകളിൽ സജ്ജീകരിച്ചിട്ടുണ്ട്. ട്രെയിനുള്ളിലെ തൂണുകൾ ഒഴിവാക്കുന്നെ് വൃത്തങ്ങൾ അറിയിച്ചു.
