കാഞ്ചീപുരം: പീഡിപ്പിക്കാന്‍ ശ്രമിച്ച കോച്ചില്‍ നിന്ന് രക്ഷപെടാന്‍ വീടിന്റെ മുകള്‍ നിലയില്‍ നിന്ന് ചാടിയ 19കാരിക്ക് പരിക്ക്. തമിഴ്‌നാട് കാഞ്ചീപുരത്താണ് സംഭവം. കേസിൽ തമിഴ്‌നാട് സ്റ്റേഡിയം സ്‌പോര്‍ട്‌സ് ഡെവലപ്‌മെന്റ് അതോറിറ്റിയിലെ കോച്ചായ മുരുകേശന്‍(48) ലെ പോലീസ് അറസ്റ്റ് ചെയ്തു.
സംഭവദിവസം സ്‌റ്റേഡിയത്തില്‍ പരിശീലനത്തിനെത്തുന്ന പെണ്‍കുട്ടിയുടെ കോച്ചിങുമായി ബന്ധപ്പെട്ട ഒരു സര്‍ട്ടിഫിക്കറ്റ് തന്റെ കൈവശമുണ്ടെന്നും അത് വാങ്ങാന്‍ വീട്ടിലേക്ക് വരണമെന്നും കോച്ച് ആവശ്യപ്പെടുകയായിരുന്നു. തുടർന്ന് വീട്ടിലെത്തിയ പെണ്‍കുട്ടിയോട് അകത്തേക്ക് കയറിയിരിക്കാന്‍ ആവശ്യപ്പെട്ട മുരുകേശന്‍ പെണ്‍കുട്ടിയെ കടന്നുപിടിക്കുകയും പീഡിപ്പിക്കാന്‍ ശ്രമിക്കുകയുമായിരുന്നു.
എന്നാൽ പീഡനശ്രമം എതിര്‍ത്ത പെണ്‍കുട്ടി രക്ഷപെടാനായി ഒന്നാം നിലയില്‍ നിന്ന് താഴേക്ക് ചാടി. പെണ്‍കുട്ടിയ്‌ക്ക് വീഴ്‌ച്ചയിൽ പരുക്കേറ്റെങ്കിലും അടുത്തുള്ള ആളുകളെ വിവരമറിയിച്ചു. പിന്നാലെ സമീപത്തെ വിഷ്ണുകാന്തി പൊലീസ് സ്റ്റേഷനില്‍ പരാതി നല്‍കുകയും ചെയ്തു. പൊലീസെത്തി പ്രതിയെ അറസ്റ്റുചെയ്യുകയായിരുന്നു. ഇയാളെ റിമാന്‍ഡ് ചെയ്തു.
