ബെംഗളൂരു: കർണാടക മുഖ്യമന്ത്രി ബസവരാജ് ബൊമ്മൈയുമായി കൂടിക്കാഴ്ച നടത്തി നടൻ ഋഷഭ് ഷെട്ടി. മുഖ്യമന്ത്രിയെ സന്ദർശിച്ചതിന് പിന്നിൽ സുപ്രധാനമായ ലക്ഷ്യമുണ്ടെന്ന് ഋഷഭ് ഷെട്ടി പറഞ്ഞു. ട്വിറ്ററിലൂടെയാണ് കൂടിക്കാഴ്ചയുടെ വിശദാംശങ്ങൾ പുറത്തുവിട്ടത്. ബസവരാജ് ബൊമ്മൈയെ സന്ദർശിച്ചതിന്റെ ഫോട്ടോയും വീഡിയോയും അദ്ദേഹം ട്വീറ്റ് ചെയ്തു.
ബസവരാജ് ബൊമ്മൈയെ പോലൊരു മുഖ്യമന്ത്രിയെ കിട്ടിയതിൽ അഭിമാനിക്കുന്നു. ചെറിയ പ്രശ്നങ്ങളിൽ പോലും പ്രതികരിക്കുന്ന ഒരു മുഖ്യമന്ത്രിയുണ്ടായതിൽ കന്നട ജനത നന്ദിയുള്ളവരാണ്. തന്റെ അഭ്യർത്ഥന അദ്ദേഹം ശ്രദ്ധയോടെ കേട്ടുവെന്നും വേഗം പരിഹാരം കണ്ടെത്തുമെന്ന് വാക്ക് നൽകിയെന്നും വീഡിയോയിലൂടെ താരം അറിയിച്ചു.
ಕಾಂತಾರ ಚಿತ್ರದ ನಂತರದ ದಿನಗಳಲ್ಲಿ ಕಾಡು ಸುತ್ತಿ,ಅಡವಿ ಅಂಚಿನ ಜನರ ಜತೆ ಮಾತಾಡಿ, ಅರಣ್ಯ ಇಲಾಖೆ ಸಿಬ್ಬಂದಿಗಳ ಜತೆ ಚರ್ಚಿಸಿ ಕಲೆಹಾಕಿದ ಅಂಶಗಳನ್ನು ಮಾನ್ಯ ಮುಖ್ಯಮಂತ್ರಿಗಳ ಮುಂದಿಟ್ಟಾಗ ಅವರು ತಕ್ಷಣವೇ ಪರಿಹರಿಸುವುದಾಗಿ ಹೇಳಿದ್ದಾರೆ. ಸಮಸ್ಯೆಗೆ ಸ್ಪಂದಿಸಿದ ಶ್ರೀ @BSBommai ಯವರಿಗೆ ಧನ್ಯವಾದಗಳು.@CMofKarnataka @aranya_kfd pic.twitter.com/VRL9YDDZcg
— Rishab Shetty (@shetty_rishab) March 8, 2023
കാന്താര എന്ന ചിത്രം ഇറങ്ങിയതിന് ശേഷം നിരവധി വനങ്ങൾ സന്ദർശിച്ചിട്ടുണ്ട്. കർണാടകയുടെ വിവിധ ഭാഗങ്ങളിൽ യാത്ര ചെയ്തിട്ടുണ്ട്. വനത്തിലുള്ളവരോട് സംസാരിച്ചു, അവരുമായി ഇടപഴകി. അവരുടെ വേദനകൾക്കും കഷ്ടപ്പാടുകൾക്കും സാക്ഷിയായി. വനംവകുപ്പ് ഉദ്യോഗസ്ഥരുമായും ജീവനക്കാരുമായും ചർച്ച നടത്തി. വനത്തിൽ ജീവിക്കുന്ന പലരും പല തരത്തിലുള്ള ബുദ്ധിമുട്ടുകൾ അനുഭവിക്കുന്നുണ്ട്. വന്യമൃഗങ്ങളുടെ ഉപദ്രവം പോലും നേരിടാറുണ്ട്. കാട്ടുതീയുടെ കാലമാണ്. ഇത്തരത്തിൽ വനവാസികളും വനംവകുപ്പ് ഉദ്യോഗസ്ഥരും നേരിടുന്ന പ്രശ്നങ്ങൾ മുഖ്യമന്ത്രിക്ക് മുന്നിൽ കൊണ്ടുവന്ന് പരിഹരിക്കുകയാണ് തന്റെ ലക്ഷ്യം. അതിനായി ഇവരുടെ 20-ഓളം പ്രശ്നങ്ങൾ മുഖ്യമന്ത്രിയെ അറിയിച്ചുവെന്നും പരിഹാരം കണ്ടെത്തണമെന്ന് അഭ്യർത്ഥിച്ചതായും ഋഷഭ് ഷെട്ടി പറഞ്ഞു. മുഖ്യമന്ത്രി ബസവരാജ് ബൊമ്മൈ ഈ പ്രശ്നങ്ങൾക്ക് ഉടൻ മറുപടി നൽകുമെന്നും പരിഹാരം കണ്ടെത്തുമെന്ന് വാക്ക് നല്കിയെന്നും ഋഷഭ് വ്യക്തമാക്കി.
അടുത്തിടെ ഇറങ്ങിയ പാൻ ഇന്ത്യൻ സിനിമകളിൽ ഏറ്റവും വലിയ വിജയമായിരുന്നു കന്നഡ ചിത്രമായ കാന്താരയ്ക്ക്. ഈ ഹിറ്റ് ചിത്രത്തിലൂടെ ലോകമെമ്പാടുമുള്ള ആരാധകരെ നേടിയെടുത്ത താരമാണ് ഋഷഭ് ഷെട്ടി. കാന്താരയുടെ വമ്പൻ വിജയത്തിന് ശേഷം ഋഷഭ് നിരവധി സാമൂഹിക പ്രവർത്തനങ്ങളിലാണ് ഏർപ്പെടുന്നത്. നിർധനരായ കുടുംബങ്ങളെ പല തരത്തിൽ സഹായിക്കുന്നു. നാടൻ കലകളുടെ ഉന്നമനത്തെക്കുറിച്ചും അദ്ദേഹം പ്രതികരിച്ചു. അതിന്റെ തുടർച്ചയായാണ് മുഖ്യമന്ത്രിയുമായി സന്ദർശനം നടത്തിയത്. അടുത്തിടെ കാന്താര’യിലെ ‘ശിവ’ ആയിട്ടുള്ള പ്രകടനത്തിന് ദാദാസാഹേബ് ഫാൽകെ ഇന്റർനാഷണൽ ഫിലിം ഫെസ്റ്റിവൽ 2023-ൽ മോസ്റ്റ് പ്രോമിസിംഗ് ആക്ടർ അവാർഡ് ഋഷഭ് ഷെട്ടിയ്ക്ക് ലഭിച്ചിരുന്നു. അത്ഭുതപ്പെടുത്തുന്ന പ്രകടനമായിരുന്നു ചിത്രത്തിൽ താരത്തിന്റേത്. മികച്ച നിരൂപക പ്രശംസ പിടിച്ചുപ്പറ്റിയ കാന്താര 400 കോടിയ്ക്ക് മുകളിലാണ് കളക്ഷൻ നേടിയത.്
Comments