ഭാര്യ കോളേജിൽ പോയി പഠിച്ച് ബിരുദം നേടിയത് ഭർത്താവിന് ഇഷ്ടപ്പെട്ടില്ല. ബിരുദം നേടിയ ദിനം തന്നെ ഭർത്താവ് വാട്ട്സ്ആപ്പ്
വഴി മൊഴിചൊല്ലിയെന്ന് യുവതി. എന്നാൽ ഇപ്പോൾ സമൂഹ മാദ്ധ്യമങ്ങളിൽ വൈറലാകുന്നത് മൊഴി ചൊല്ലിയ ആഹ്ളാദം പങ്കുവെച്ച കൊണ്ടുള്ള യുവതിയുടെ വിഡിയോയാണ്.
ജീവിതത്തിലെ രണ്ട് സന്തോഷം ഒരുമിച്ച് ഒരേദിവസം എത്തിയതിൽ അതിയായ ആഹ്ളാദമുണ്ടെന്നാണ് യുവതി പറയുന്നത്. സൗദിയിലെ റിയാദിലാണ് യുവതി താമസിക്കുന്നത്.
ഭർത്താവ് മൊഴി ചൊല്ലി അയച്ച സന്ദേശത്തിന്റെ സ്ക്രീൻ ഷോട്ടും യുവതി വീഡിയോയിൽ കാണിക്കുന്നുണ്ട്. ഒപ്പം ബിരുദദാന ചടങ്ങിൽ നിന്നുള്ള ഫോട്ടോയും പിന്നാലെ കഴിച്ച വിഭവസമൃദ്ധമായ ഭക്ഷണവും വീഡിയോയിൽ ഉൾക്കൊള്ളിച്ചിട്ടുണ്ട്. സെല എൽനഗർ എന്ന ട്വിറ്റർ ഹാൻഡിലിലൂടെയാണ് വിഡിയോ പങ്കുവെച്ചിരിക്കുന്നത്.
