ബ്രഹ്മപുരം മാലിന്യപ്ലാന്റിലെ തീപിടിത്തം കാരണം കൊച്ചി ശ്വാസംമുട്ടുകയാണ്. നഗരവും പരിസര പ്രദശങ്ങളും വിഷപ്പുകയിൽ നിന്ന് മുക്തമായിട്ടില്ല. നിരവധി പേരാണ് സമൂഹമാദ്ധ്യമങ്ങളിൽ ഇതിനെതിരെ പ്രതിഷേധവുമായെത്തുന്നത്.
കൊച്ചി ജീവിതം നരകമായി എന്നാണ് നടൻ വിജയ് ബാബു സമൂഹമാദ്ധ്യമങ്ങളിൽ കുറിച്ചത്. ”വെള്ളം ഇല്ല, നഗരത്തിലാകെ മാലിന്യം കുന്നുകൂടുന്നു..പുക, ചൂട്, കൊതുകുകൾ,രോഗങ്ങൾ… കൊച്ചിയിലെ ജീവിതം നരകമായി’-എന്നാണ് വിജയ് ബാബു കുറിച്ചത്. പുക കൊണ്ട് മലിനമായി കിടക്കുന്ന അന്തരീക്ഷത്തിന്റെ ചിത്രവും പോസ്റ്റ് ചെയ്തിട്ടുണ്ട്. വിജയ് ബാബുവിന്റെ പോസ്റ്റിന് നിരവധി പേരാണ് ഇതിനെ അനുകൂലിച്ച് എത്തിയത്.
നിരവധി പേരാണ് വിഷയത്തിൽ പ്രതികരണവുമായെത്തുന്നത്. കടവന്ത്ര, വൈറ്റില, മരട്, പനമ്പള്ളി നഗർ തുടങ്ങിയ മേഖലകളിലാണ് സ്ഥിതി രൂക്ഷമായി തുടരുന്നത്. വിജയ് ബാബുവിന്റെ ഫേസ്ബുക്ക് പോസ്റ്റിന് നിരവധി പേരാണ് കമന്റുകളുമായി എത്തിയിട്ടുള്ളത്. കൊച്ചി പഴയ കൊച്ചി അല്ലായിരിക്കും പക്ഷേ മാലിന്യം പഴയതാണെന്നും, പുക ശ്വസിക്കാനുള്ള കരാർ നാട്ടുകാർക്കും, എല്ലാം ശരിയാക്കും എന്ന് പറഞ്ഞത് ഓർക്കുന്നു, നാളെ ന്യൂയോർക്കിൽ നിന്നും ഒരു ഫോൺ കാൾ… ഉഫ്’ എന്നിങ്ങനെ നീളുകയാണ് കമന്റുകൾ.
