കൊച്ചി: ബ്രഹ്മപുരം തീപിടിത്തത്തെ തുടർന്ന് കൊച്ചിയിലെ ജനതയും അഗ്നിശമന സേനാ പ്രവർത്തകരും അനുഭവിക്കുന്ന ദുരവസ്ഥയിൽ പ്രതികരിച്ച് നടി മഞ്ജു വാര്യർ. പ്രതികരണ ശേഷി തിരിച്ചുകിട്ടിയ പല സിനിമാ പ്രവർത്തകരും ഓരോരുത്തരായി നിശബ്ദത വെടിഞ്ഞ് രംഗത്തെത്തിയതിന് പിന്നാലെയാണ് മഞ്ജുവും ശബ്ദമുയർത്തിയത്.
തീയും പുകയും പരിഭ്രാന്തികളും എത്രയും വേഗം അണയട്ടെ, കൊച്ചി സ്മാർട്ട് ആയി മടങ്ങി വരുമെന്ന് മഞ്ജു വാര്യർ പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു നടിയുടെ പ്രതികരണം. ഒപ്പം ബ്രഹ്മപുരത്ത് നിന്നുള്ള വേദനിപ്പിക്കുന്ന ദൃശ്യങ്ങളും അവർ പങ്കുവച്ചിരുന്നു. “ഈ ദുരവസ്ഥ എന്നു തീരുമെന്നറിയാതെ കൊച്ചി നീറി പുകയുന്നു. ഒപ്പം നമ്മുടെ മനസ്സും. തീയണയ്ക്കാൻ പെടാപ്പാടുപെടുന്ന അഗ്നിശമന സേനയ്ക്ക് സല്യൂട്ട്. ആരോഗ്യ പ്രവർത്തകരുടെ നിർദേശങ്ങൾ പാലിക്കാം. തീയും പുകയും പരിഭ്രാന്തികളും എത്രയും വേഗം അണയട്ടെ. കൊച്ചി സ്മാർട്ട് ആയി മടങ്ങി വരും!” മഞ്ജു പറഞ്ഞു.
Comments