ദിസ്പൂർ: ഹിന്ദുവാണെന്ന് നടിച്ച് ഹിന്ദു പെൺകുട്ടിയെ പ്രണയം നടിച്ച് വശത്താക്കി കേരളത്തിലേക്ക് കടന്ന മുസ്ലീം യുവാവിനെ പോലീസ് പിടികൂടി. വിവാഹിതനും മൂന്ന് കുട്ടികളുടെ അച്ഛനുമായ റമിജുൽ ഇസ്ലാമിനെയാണ് അസം പോലീസ് കേരളത്തിൽ നിന്ന് അറസ്റ്റ് ചെയ്തത്. അസമിലെ നഗൗണിലുള്ള ലൈലൂരി സ്വദേശിയാണ് പ്രതി.
സോഷ്യൽ മീഡിയ വഴി പരിചയപ്പെട്ട പെൺകുട്ടിയെയാണ് ഇയാൾ കടത്തിക്കൊണ്ടുവന്നതെന്ന് പോലീസ് അറിയിച്ചു. മുന്ന ഗൊഗോയ് എന്നാണ് ഇയാൾ പെൺകുട്ടിയെ പരിചയപ്പെടുത്തിയത്. തുടർന്ന് പ്രണയം നടിച്ച് വഞ്ചിച്ച് നഗൗൺ സ്വദേനിയായ പൂജ ബോറയെ വശത്താക്കുകയും കേരളത്തിലേക്ക് കൊണ്ടുപോകുകയുമായിരുന്നു. ഏകദേശം രണ്ട് മാസത്തോളം ഇയാൾ പെൺകുട്ടിയുമായി കേരളത്തിൽ ഒളിച്ചുതാമസിച്ചു.
മകളെ കാണാനില്ലെന്ന് ചൂണ്ടിക്കാട്ടി പൂജ ബോറയുടെ അമ്മ നൽകിയ പരാതിയുടെ അടിസ്ഥാനത്തിൽ പോലീസ് നൽകിയ അന്വേഷണത്തിനൊടുവിലാണ് പ്രതിയെ പിടികൂടിയത്. തുടർന്ന് പെൺകുട്ടിയെ പോലീസ് രക്ഷപ്പെടുത്തി. എന്നാൽ താൻ മുസ്ലീം ആണെന്ന വിവരം പൂജയ്ക്ക് അറിയാമായിരുന്നുവെന്നാണ് പ്രതിയുടെ അവകാശ വാദം. സംഭവത്തിൽ അന്വേഷണം തുടരുകയാണെന്ന് പോലീസ് അറിയിച്ചു.
Comments