പരമ്പരാഗത വസ്ത്രങ്ങളണിഞ്ഞ് സാമന്തയും ശാകുന്തളം സഹനടൻ ദേവ് മോഹനും ; താരങ്ങളുടെ ചിത്രങ്ങൾ കാണാം

കഴിഞ്ഞ ദിവസമാണ് തെന്നിന്ത്യൻ താരസുന്ദരി സാമന്ത റൂത്ത് പ്രഭു ഹൈദരാബാദിലെ ശ്രീ പെദ്ദമ്മ തല്ലി ക്ഷേത്രത്തിൽ ദർശനെത്തിയത്. കാളിദാസന്റെ ‘അഭിജ്ഞാന ശാകുന്തളം’ എന്ന കൃതിയെ ആസ്പദമാക്കി ഒരുങ്ങുന്ന ബ്രഹ്മാണ്ഡ തെലുങ്ക് ചിത്രം ശാകുന്തളത്തിന്റെ സംവിധായകൻ ഗുണശേഖറും നടൻ ദേവ് മോഹനും നടിക്കൊപ്പം ഉണ്ടായിരുന്നു. ചിത്രത്തിന്റെ റിലീസിന് മുന്നോടിയായാണ് ഇന്നലെ ക്ഷേത്രം സന്ദർശിച്ചത്.

Team #Shaakuntalam visited Sri Peddamma Thalli temple to seek divine blessings 🙏✨
'Shaakuntalam' coming to theatres this April 14 worldwide 🤍@Gunasekhar1 @Samanthaprabhu2 @ActorDevMohan @neelima_guna@GunaaTeamworks @SVC_official #ShaakuntalamOnApril14 pic.twitter.com/3O4y1Ieujb

— Sri Venkateswara Creations (@SVC_official) March 15, 2023

നിർമ്മാണ കമ്പനിയായ ശ്രീ വെങ്കിടേശ്വര ക്രിയേഷൻസാണ് ട്വിറ്റർ ഇന്ന് ചിത്രങ്ങൾ പങ്കുവെച്ചത്. സാമന്തയും ദേവും ക്രീം-വൈറ്റ് പരമ്പരാഗത വസ്ത്രങ്ങളാണ് ധരിച്ചിരിക്കുന്നത്. നടി ഒരു പ്രിന്റഡ് സ്യൂട്ടും, ദേവ് ഒരു സെറ്റ് കുർത്ത പൈജാമയുമാണ് ധരിച്ചിരിക്കുന്നത്. ചിത്രങ്ങൾ ഇപ്പോൾ സമൂഹമാദ്ധ്യമങ്ങളിൽ വൈറലാകുകയാണ്.

ചൊവ്വാഴ്ച ശാകുന്തളത്തിന്റെ അഭിനേതാക്കളും അണിയറപ്രവർത്തകരും ചിത്രത്തിന്റെ സ്വകാര്യ പ്രദർശനം നടത്തിയിരുന്നു. ഇതിന്റെ ചിത്രങ്ങൾ മനോഹരമായ കുറിപ്പിനൊപ്പം സാമന്ത തന്റെ ഇൻസ്റ്റാഗ്രാമിൽ പങ്കുവെച്ചിരുന്നു. “ഒടുവിൽ ഞാൻ ഇന്ന് സിനിമ കണ്ടു! ഗുണശേഖർ ഗാരു…. എന്റെ ഹൃദയം നിങ്ങൾ കവർന്നു. എത്ര മനോഹരമായ സിനിമ! നമ്മുടെ ഏറ്റവും വലിയ ഇതിഹാസങ്ങളിലൊന്നിനെ വളരെ പ്രിയങ്കരമായി ജീവൻ നൽകി! നമ്മുടെ കുടുംബ പ്രേക്ഷകർ കാണുന്നത് വരെ എനിക്ക് കാത്തിരിക്കാനാവില്ല. നിങ്ങൾ ഞങ്ങളുടെ മാന്ത്രിക ലോകത്തെ സ്നേഹിക്കാൻ പോകുന്നു! ദിൽ രാജു ഗാരുവിനും നീലിമയ്‌ക്കും… ഈ അത്ഭുതകരമായ യാത്രയ്‌ക്ക് നന്ദി. ശകുന്തളം എന്നും എന്നോട് ചേർന്നിരിക്കും.!”- എന്നാണ് സാമന്ത റൂത്ത് പ്രഭു കുറച്ചത്.

ഏപ്രിൽ 14 നാണ് സിനിമ തിയേറ്ററുകളിൽ എത്തുക. ഗുണശേഖർ രചനയും സംവിധാനവും നിർവ്വഹിച്ച ശാകുന്തളം പാൻ ഇന്ത്യൻ ചിത്രമായാണ് റിലീസ് ചെയ്യുന്നത്. അല്ലു അർഹ, സച്ചിൻ ഖേഡേക്കർ, കബീർ ബേദി, ഡോ. എം മോഹൻ ബാബു, പ്രകാശ് രാജ്, മധുബാല, ഗൗതമി, അദിതി ബാലൻ, അനന്യ നാഗല്ല, ജിഷു സെൻഗുപ്ത തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഗുണ ടീം വർക്സിന്റെ ബാനറിൽ നീലിമ ഗുണ നിർമ്മിച്ചിരിക്കുന്ന ചിത്രം അവതരിപ്പിക്കുന്നത് ശ്രീ വെങ്കടേശ്വര ക്രിയേഷൻസിന്റെ ബാനറിൽ ദിൽ രാജുവാണ്.

മണി ശർമ്മ സംഗീതം പകരുന്ന ചിത്രത്തിന്റെ എഡിറ്റിംഗ് പ്രവീൺ പുടിയാണ്. ഛായാഗ്രഹണം- ശേഖർ വി ജോസഫ്, കലാസംവിധാനം- അശോക്, വിഎഫ്‍എക്സ്- അളകസാമി മയൻ, വരികൾ- ചൈതന്യ പ്രസാദ്, ശ്രീമണി, നൃത്തസംവിധാനം-രാജു സുന്ദരം, സംഘട്ടനം-വെങ്കട്, കിംഗ് സോളമൻ എന്നിവരാണ് മറ്റ് അണിയറ പ്രവർത്തകർ. മലയാളം ഉൾപ്പെടെയുള്ള ഭാഷകളിലാണ് സിനിമ റിലീസ് ചെയ്യുന്നത്.