സമീപകാലത്ത് ഇന്ത്യൻ സിനിമ കണ്ട എറ്റവും വലിയ വിജയമായിരുന്നു ‘കാന്താര’ എന്ന കന്നഡ ചിത്രം സ്വന്തമാക്കിയത്. ഋഷഭ് ഷെട്ടി സംവിധാനം ചെയ്യ്ത കാന്താര ലോകമെങ്ങും തരംഗം സൃഷ്ടിച്ചു. ഇപ്പോഴിതാ ചിത്രം ഐക്യരാഷ്ട്രസഭയിലെ ജനീവയിൽ മാർച്ച് 17 ന് പാഥെ ബാലെക്സെർട്ട് തീയറ്ററിൽ കാന്താര പ്രദർശിപ്പിക്കാൻ ഒരുങ്ങുകയാണ്.
കാന്താരയിലൂടെ ഒരുപാട് സ്നേഹം ഏറ്റുവാങ്ങുന്ന എഴുത്തുകാരനും സംവിധായകനും നടനുമായ ഋഷഭ് ഷെട്ടി ഇപ്പോൾ ജനീവയിലാണ്. സെന്റർ ഫോർ ഗ്ലോബൽ അഫയേഴ്സ് ആൻഡ് പബ്ലിക് പോലീസിന്റെ സോഷ്യൽ മീഡിയ ഹാൻഡിൽ, പരിസ്ഥിതി, കാലാവസ്ഥാ സംരക്ഷണം എന്നിവയെക്കുറിച്ചുള്ള ചർച്ചകൾ പ്രോത്സാഹിപ്പിക്കുന്നതിൽ ഇന്ത്യൻ സിനിമയുടെ പങ്കിനെക്കുറിച്ച് റിഷബ് ഷെട്ടി സംസാരിക്കുമെന്ന് സിജിഎപിപി ഡയറക്ടർ അനിന്ധ്യ സെൻഗുപ്ത പറഞ്ഞു. ഡയറക്ടർ അനിന്ദ്യ സെൻഗുപ്തയുടെയും ഋഷഭ് ഷെട്ടി യുടെയും ചിത്രം പുറത്ത് വന്നിട്ടുണ്ട്.
സ്ക്രീനിങ്ങിന് ശേഷം ഋഷഭ് ഷെട്ടി കന്നഡയിൽ പ്രമുഖരുമായി സംവദിക്കും. പിന്നീട് യുഎൻ വിശിഷ്ടാതിഥികൾക്കൊപ്പം ഒരു സ്വകാര്യ അത്താഴത്തിൽ പങ്കെടുക്കുമെന്നാണ് വിവരം. ആർആർആർ-ലെ നാട്ടു നാട്ടു ഗാനത്തിന് 2023 ലെ ഓസ്കാർ വിജയം രാജ്യം ആഘോഷിക്കുമ്പോൾ, ഋഷബ് ഷെട്ടി കാന്താരയെയും വലിയ ഉയരങ്ങളിലെത്തിച്ചിരിക്കുകയാണ്.
Comments