താരജാഡകൾ ഒന്നും ഇല്ലാത്ത യുവതാരമാണ് പ്രണവ് മോഹൻലാൽ. സിനിമയെക്കാൾ യാത്രകൾ ഇഷ്ടപ്പെടുന്ന വ്യക്തി കൂടിയാണ് പ്രണവ്. ലളിത ജീവിതം തന്നെയാണ് അദ്ദേഹത്തിന് നിരവധി ആരാധകർ ഉണ്ടാകാൻ കാരണവും. ഒരുപിടി മികച്ച ചിത്രങ്ങൾ ചെയ്ത പ്രണവിന്റെ കരിയറിലെ മികച്ച ചിത്രമായിരുന്നു വിനീത് ശ്രീനിവാസൻ സംവിധാനം ചെയ്ത ഹൃദയം. യുവാക്കൾക്കിടയിൽ തരംഗമായി മാറുകയായിരുന്നു ചിത്രത്തിലെ പ്രകടനത്തിലൂടെ പ്രണവ്.
വിനീത് ശ്രീനിവാസൻ പ്രണവ് കോമ്പോയിൽ വീണ്ടുമൊരു ചിത്രം അണിയറയിൽ ഒരുങ്ങുന്നു എന്ന തരത്തിൽ നേരത്തെ തന്നെ വാർത്തകൾ പുറത്ത് വന്നിരുന്നു. എന്നാൽ ഇക്കാര്യത്തിൽ താൽപര്യം പ്രകടിപ്പിച്ച് രംഗത്തെത്തിയിരുക്കുകയാണ് വിനീത് ശ്രീനിവാസൻ. എന്നാൽ തനിക്കൊപ്പം ഒരു പുതിയ സിനിമ ചെയ്യാൻ പ്രണവിനെ കൺവീൻസ് ആക്കാനാകുമോ എന്ന് അറിയില്ലെന്നും വിനീത് കൂട്ടിച്ചേർത്തു. നമുക്ക് ഒരുമിച്ച് ഇനിയും സിനിമകൾ ചെയ്യണമെന്ന് ആഗ്രഹമുണ്ടെന്ന് ഹൃദയത്തിന്റെ ഷൂട്ടിംഗ് അവസാനിക്കുന്ന സമയത്ത് പ്രണവ് പറഞ്ഞെന്നും വിനീത് വ്യക്തമാക്കി.
ഞാൻ പോയി കഥ പറഞ്ഞാൽ അവൻ കൺവീൻസ് ആകുമോ എന്നെനിക്ക് സംശയമുണ്ട്. പിന്നെ ചെന്ന് പറയുക എന്ന ഓപ്ഷനെ ഉള്ളൂ. ഇഷ്ടപ്പെട്ടാൽ പടം ചെയ്യും എന്നും വിനീത് പറഞ്ഞു. ഒരു അഭിമുഖത്തിലാണ് വിനീത് ഇക്കാര്യം പറഞ്ഞത്. പ്രണവിന്റെ ലൈഫ് വേറെ ആണെന്നും അത് മറ്റുള്ളവർക്ക് ഫോളോ ചെയ്യാൻ പറ്റില്ലെന്നും വിനീത് പറഞ്ഞു. നമ്മളെ കൊണ്ട് പറ്റുന്ന ജീവിത രീതിയല്ല പ്രണവ് പിന്തുടരുന്നതെന്നും വിനീത് കൂട്ടിച്ചേർത്തു.
Comments