ന്യൂഡൽഹി: 2023 സാമ്പത്തിക വർഷത്തെ മില്ലറ്റ് വർഷമായി പ്രഖ്യാപിച്ചതിൽ അഭിമാനം പൂണ്ട് പ്രധാനമന്ത്രി നരേന്ദ്ര മോദി.ഇന്ത്യയുടെ മില്ലറ്റ് മിഷൻ രാജ്യത്തെ രണ്ടര കോടി നാമമാത്രകർഷകർക്ക് അനുഗ്രഹമായി മാറുമെന്നും പ്രധാനമന്ത്രി. ന്യൂഡൽഹിയിൽ നടന്ന ഗ്ലോബൽ മില്ലറ്റ്സ് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം
ഇന്ത്യയുടെ മില്ലറ്റ് മിഷൻ 2.5 കോടികർഷകർക്ക് അനുഗ്രഹമായി മാറും സ്വാതന്ത്യത്തിനുശേഷം ഇതാദ്യമായാണ് ഒരു സർക്കാർ ചെറുധാന്യങ്ങൾ ഉൽപ്പാദിപ്പിക്കുന്ന കർഷകരുടെ ആവശ്യങ്ങൾക്കായി ശ്രദ്ധചെലുത്തുന്നത്. ഇന്ത്യയിൽ 12-13 സംസ്ഥാനങ്ങളിലാണ് പ്രധാനമായും ചെറുധാന്യങ്ങൾ ക്യഷിചെയ്തിരുന്നത്.എന്നാൽ അവയുടെ ഗാർഹിക ഉപഭോഗം പ്രതിമാസം രണ്ട്, മൂന്നും കിലോയിൽ കൂടുതൽ ആയിരുന്നില്ല. എന്നാൽ ഇന്ന് പ്രതിമാസ ഉപഭോഗം പതിനാല് കിലോ ആയി വർദ്ധിച്ചു .ഗ്ലോബൽ മില്ലറ്റ്സ് മിഷൻ പോലെയുള്ള പദ്ധതി ആഗോളതലത്തിൽ ഇന്ത്യയുടെ ഉത്തരവാദിത്തം വർദ്ധിക്കുന്നതിനു ഉദാഹരണമാണ്.ലോകം ഇന്ന് മില്ലറ്റ് വർഷം ആഘോഷിക്കുമ്പോൾ ഇന്ത്യ ഈ പ്രചാരണത്തിനു നേത്യത്വം നൽകുന്നതിൽ സന്തോഷിക്കുന്നതായും, ഇന്ത്യയിലെ 75 ലക്ഷത്തിലധികം കർഷകർ ഇന്ന് ഈ പരിപാടിയിൽ ഞങ്ങളൊടൊപ്പം ഉണ്ട് എന്നും ഇത് ഈ പരിപാടിയുടെ പ്രാധാന്യമാണ് ചൂണ്ടിക്കാട്ടുന്നതെന്നും പ്രധാനമന്ത്രി നരേന്ദ്ര മോദി പറഞ്ഞു
ഇന്ത്യയുടെ നിർദേശ പ്രകാരമാണ് ഐക്യരാഷ്‌ട്ര സഭ 2023നെ അന്തരാഷ്‌ട്ര മില്ലറ്റ് വർഷമായി പ്രഖ്യാപിച്ചത്. രാജ്യത്തെ ചെറുധാന്യങ്ങളുടെ ഉത്പാദനവും, ഉപഭോഗവും വർദ്ധിപ്പിക്കുകയാണ് മില്ലറ്റ് മിഷന്റെ ലക്ഷ്യം.
