തിരുവനന്തപുരം: തിരുവനന്തപുരം ചിന്മയ മിഷന്റെ വസന്തനവരാത്രി- ശ്രീരാമനവമി ആഘോഷങ്ങളുടെ ഭാഗമായി ദേവീമാഹാത്മ്യ ജ്ഞാനയജ്ഞം നടത്തുന്നു. കുന്നുംപുറം ചിന്മയവിദ്യാലയത്തിൽ മാർച്ച് 22 മുതൽ മാർച്ച് 30 വരെയാണ് ദേവീമാഹാത്മ്യ ജ്ഞാനയജ്ഞം നടക്കുക.
ചിന്മയ യുവകേന്ദ്രയുടെയും കുന്നുംപുറം ചിന്മയ വിദ്യാലയത്തിന്റെയും ആഭിമുഖ്യത്തിൽ വൈകിട്ട് 5 മുതൽ 7 .30 വരെ സ്വാമി അഭയാനന്ദയുടെ നേതൃത്വത്തിലാണ് യജ്ഞം നടക്കുക. യജ്ഞവേദിയിൽ വിവിധ ദിവസങ്ങളിൽ ഗായത്രി ഹവനം, മാതൃ -പിതൃ പൂജ, ശ്രീചക്ര പൂജ, ഐശ്വര്യ പൂജ ദേവീമാഹാത്മ്യ അർച്ചന, എന്നിവയും ഉണ്ടായിരിക്കുന്നതാണ്
ജ്ഞാന യജ്ഞം മാർച്ച് 22 ബുധനാഴ്ച വൈകിട്ട് 5 മണിക്ക് പ്രശസ്ത ചലച്ചിത്ര പിന്നണി ഗായകനും ആകാശവാണി അസിസ്റ്റന്റ് ഡയറക്ടറുമായ ശ്രീ ജി ശ്രീറാം ഉദ്ഘാടനം ചെയ്യും.
ചീഫ് സേവക് ശ്രീ ആർ സുരേഷ്മോഹൻ അദ്ധ്യക്ഷനാകുന്ന ചടങ്ങിൽ ശ്രീമതി ലക്ഷ്മി ഹരിഗോവിന്ദൻ(പ്രസിഡന്റ്, ചിന്മയ മിഷൻ തിരുവനന്തപുരം), പി ശേഖരൻ കുട്ടി( സെക്രട്ടറി വിദ്യാലയ ബോർഡ് മാനേജ്മെന്റ്) ശോഭാറാണി ( അക്കാഡമിക് കോർഡിനേറ്റർ) എ ശക്തിധരൻ നായർ( സെക്രട്ടറി ചിന്മയ മിഷൻ തിരുവനന്തപുരം) എന്നിവർ സംസാരിക്കും. ശ്രീമതി ബീന എൻ ആർ( പ്രിൻസിപ്പൽ, ചിന്മയ വിദ്യാലയ കുന്നുംപുറം) ചടങ്ങിന് സ്വാഗതം പറയും.
Comments