യൂബറിൽ സൗജന്യ യാത്രകൾ ചെയ്യുവാൻ സാധിക്കുന്ന ബഗ് കണ്ടെത്തി ഇന്ത്യക്കാരൻ. ഉപയോക്താക്കൾക്ക് ജീവിതകാലം മുഴുവൻ സൗജന്യ റൈഡ് അനുവദിക്കുന്ന ബഗ് കണ്ടെത്തിയതിന് യൂബറിൽ നിന്ന് ഇദ്ദേഹത്തിന് 3 ലക്ഷം രൂപ പ്രതിഫലം ലഭിച്ചു. സൈബർ സുരക്ഷ സ്ഥാപനത്തിന്റെ സ്ഥാപകനും ഇന്ത്യൻ ഹാക്കറുമായ ആനന്ദ് പ്രകാശാണ് ബഗ് കണ്ടെത്തിയത്.
ബഗ് ഉപയോക്തക്കൾക്ക് കാര്യങ്ങൾ എളുപ്പമാണെങ്കിലും കമ്പനിയ്ക്ക് ഇത്കൊണ്ട് നഷ്ടം മാത്രമാണുള്ളത്. 2017-ലാണ് ബഗ് കണ്ടു പിടിക്കുന്നത്. ബഗ് പരിഹരിച്ചിരിക്കുന്നതായി അദ്ദേഹം ലിങ്ക്ഡിനിൽ പോസ്റ്റ് പങ്കുവെച്ചാണ് അറിയിച്ചത്. പണം നൽകാതെ എങ്ങനെ യുഎസിലേക്കും ഇന്ത്യയിലേക്കും യാത്ര ചെയ്യാമെന്ന പരിശോധനയിലാണ് ബഗ് കണ്ടെത്തുന്നത്. ഇതിൽ യാത്രക്കാർ റൈഡ് ബുക്ക് ചെയ്യുകയും അസാധുവായ പെയ്മെന്റ് രീതി ഉപയോഗിക്കുകയും ചെയ്താൽ സൗജന്യമായി യാത്ര ചെയ്യുവാൻ സാധിക്കുമായിരുന്നു.
കമ്പനിയുടെ ടീം അംഗങ്ങളുടെ അനുവാദത്തോടെ ബഗിനെക്കുറിച്ച് കൂടുതൽ വ്യക്തമാകുന്നതിനായി യുഎസിലേക്കും ഇന്ത്യയിലേക്കും ആനന്ദ് യാത്രകൾ ചെയ്ത് കാണിച്ചു. ബഗ് റിപ്പോർട്ട് ചെയ്ത് അന്ന് തന്നെ കമ്പനി അത് പരിഹരിച്ചിരുന്നു. ഇതിന്റെ ഭാഗമായി ഹാക്കർക്ക് മൂന്ന് ലക്ഷം രൂപ പാരിതോഷികവും നൽകി. എന്നാൽ ഈ കഴിഞ്ഞ ദിവസമാണ് ആനന്ദ് ഇക്കാര്യം വെളിപ്പെടുത്തുന്നത്.
