തിരുവനന്തപുരം : ആർആർആർ ചിത്രത്തിന്റെ ഓസ്കാർ അവാർഡ് ജേതാക്കളെ അഭിനന്ദിച്ചുകൊണ്ടുള്ള ചിന്ത ജെറോമിന്റെ ഫേസ്ബുക്ക് പോസ്റ്റ് കോപ്പിയടിയാണെന്ന് ആരോപണം.
ത്രിപുരയിലെ മാധ്യമപ്രവര്ത്തനായ സുജിത് ത്രിപുര എന്നയാളുടെ പോസ്റ്റ് ചിന്ത അതേപടി കോപ്പിയടിക്കുകയായിരുന്നു . ‘ Chandra Bose, a song writer who brought international fame to RRR cinema, awarding Oscar Award to MM Keeravani who provided music is an international recognition for the Telugu Cinema literature secotr. congratulations . ‘. എന്ന പോസ്റ്റ് സുജിത് പോസ്റ്റ് ചെയ്തതാണ് . ഇത് അതേപടി കോപ്പി ചെയ്യുകയായിരുന്നു ചിന്ത . സുജിത് 13 ന് പോസ്റ്റ് ചെയ്തത് ചിന്ത 14 നാണ് ഫേസ്ബുക്കിൽ ഇട്ടത് .
‘ആർ.ആർ.ആർ സിനിമയ്ക്ക് അന്താരാഷ്ട്ര പ്രശസ്തി നേടിക്കൊടുത്ത ചന്ദ്ര ബോസ് ഒരു ഗാനരചയിതാവ്, സംഗീതം നൽകിയ എംഎം കീരവാണിക്ക് ഓസ്കാർ അവാർഡ് സമ്മാനിക്കുന്നത് തെലുങ്ക് സിനിമ സാഹിത്യ മേഖലയ്ക്ക് ഒരു അന്താരാഷ്ട്ര അംഗീകാരമാണ്. ആദരവ്” എന്നാണ് മലയാളത്തിലേക്ക് വിവർത്തനം ചെയ്യപ്പെട്ട ചിന്താ ജെറോമിന്റെ പോസ്റ്റ് . ആശയപരമായ തെറ്റായിരുന്ന ആ പോസ്റ്റ് പോലും ചിന്ത കോപ്പിയടിച്ചതായിരുന്നു .
കേരള സർവകലാശാലയിൽ നിന്ന് ഇംഗ്ലീഷ് സാഹിത്യത്തിൽ ഡോക്ടറേറ്റ് നേടിയ ആളാണ് ചിന്താ ജെറോം. ഇംഗ്ലീഷിൽ ബിരുദവും ബിരുദാനന്തരബിരുദവും ബിഎഡും ചിന്താ ജെറോം നേടിയിട്ടുണ്ട്. ഇതാണ് സോഷ്യൽ മീഡിയയിൽ ട്രോളുകൾക്ക് പിന്നിലെ കാരണവും. ഇംഗ്ലീഷ് സാഹിത്യത്തിൽ ഡോക്ടറേറ്റ് നേടിയ വ്യക്തിക്ക് ഇംഗ്ലീഷ് പരിജ്ഞാനം കുറവാണോയെന്നായിരുന്നു ഉയർന്ന ചോദ്യം.
ഇംഗ്ലീഷില് പിഎച്ച്ഡി നേടിയത് കോപ്പിയടിച്ചാണെന്ന ആരോപണം ശക്തമാകുന്നതിനിടെ ചിന്ത ജെറോമിന്റെ അടുത്ത കോപ്പിയടിയുടെ തെളിവും പുറത്ത് വന്നത് .
Comments