കരൾ രോഗത്തെ തുടർന്ന് നടന് ബാലയെ ആശുപത്രിയിൽ പ്രവേശിച്ചിരുന്നു. സഹപ്രവര്ത്തകര് അടക്കം നിരവധി പേരാണ് ബാലയെ കാണാന് ആശുപത്രിയിലേക്ക് എത്തുന്നത്. ഇപ്പോഴിതാ, ബാലയുടെ ആരോഗ്യസ്ഥിതിയെപ്പറ്റി പ്രതികരിച്ചിരിക്കികയാണ് നടൻ റിയാസ് ഖാൻ. ഒരാളുടെ ആരോഗ്യം സൂക്ഷിക്കേണ്ടത് അയാള് തന്നെയാണെന്നാണ് റിയാസ് ഒരു ഒൺലെെൻ ചാനലിൽ നൽകിയ അഭിമുഖത്തില് പ്രതികരിച്ചത്.
”എല്ലാവരും ആരോഗ്യത്തോടെ ഇരിക്കുക എന്നേ പറയാനുള്ളൂ. ഇപ്പോള് ബാലയാണ് എല്ലാം സഹിക്കുന്നത്. നമ്മള് ജീവിക്കുന്നത് സ്വന്തം ശരീരത്തിനകത്താണ്, അതിനാൽ നമ്മുടെ ശരീരം ഭദ്രമായി സൂക്ഷിക്കുക. അല്ലെങ്കിൽ ഒരു പ്രശ്നം വന്നാല് അവര് തന്നെയാണ് സഹിക്കുന്നത്. നമ്മുടെ സങ്കടം പറയാം എന്നേയുള്ളൂ. ഒരു ഫങ്ഷനു പോയാല് എത്ര ആസിഡ് അകത്തുകയറ്റിയതിന് ശേഷമാണ് രാവിലെ നമ്മള് കണ്ണ് തുറക്കുന്നത് എന്ന് ചിന്തിച്ചിട്ടുണ്ടോയെന്നും” റിയാസ് ഖാൻ ചോദിച്ചു.
”ശരീരത്തിനകത്ത് നടക്കുന്നത് എന്തെന്ന് അറിഞ്ഞാല് എല്ലാവരും ഞെട്ടും. ഒരു അഭിമുഖത്തില് എല്ലാ കാര്യങ്ങളും പറയാൻ ആകില്ല. വേറെ ഇനി ആരും ഇങ്ങനെ ആകേണ്ട എന്നേ എനിക്ക് പറയാനുള്ളൂ. ബാല വേഗം രോഗം മാറി വീട്ടിലേക്ക് നല്ല ആരോഗ്യത്തോടെ വരട്ടേയെന്നാണ് എന്റെ പ്രാര്ഥന. ചെറുപ്പം തൊട്ടേ എനിക്ക് ബാലയെ അറിയാം. ബാലയുടെ സഹോദരനും സംവിധായകനുമായ ശിവയോടാണ് എനിക്ക് ആദ്യം അടുപ്പം.” പിന്നീട് ബാലയുമായും താൻ നല്ല സൗഹൃത്തിലായെന്നും റിയാസ് ഖാൻ പറയുന്നു.
Comments