മുംബൈ: ദാമ്പത്യ ജീവിതത്തിലെ പ്രശ്‌നങ്ങളെക്കുറിച്ചു തുറന്നു പുറഞ്ഞ് ഇന്ത്യൻ ക്രിക്കറ്റ് താരം ശിഖർ ധവാൻ. ഐഷ മുഖർജിയുമൊത്തുള്ള കുടുംബജീവിതം അവസാനിപ്പിച്ച് ഏകദേശം ഒരു വർഷത്തിന് ശേഷമാണ് ശിഖർ ധവാൻ വെളിപ്പെടുത്തലുമായി രംഗത്ത് വന്നിരിക്കുന്നത്. വിവാഹ ബന്ധത്തിന്റെ കാര്യത്തിൽ തന്റെ തീരുമാനങ്ങൾ തെറ്റിപ്പോയതായി ഒരു ദേശീയ മാദ്ധ്യമത്തിന് നൽകിയ അഭിമുഖത്തിൽ ധവാൻ പറഞ്ഞു.
ആരെയും കുറ്റപ്പെടുത്താൻ ഉദ്ദേശിക്കുന്നില്ല. അന്തിമ തീരുമാനം ഓരോരുത്തരുടേതുമാണ്. വിവാഹ ജീവിതത്തെക്കുറിച്ചുള്ള അറിവില്ലായ്മയാണ് പരാജയത്തിന് കാരണം. നാളെ മറ്റൊരു വിവാഹത്തിലേക്ക് പോകേണ്ടിവന്നാൽ കുറച്ചുകൂടി ശ്രദ്ധിച്ച് തീരുമാനങ്ങളെടുക്കുമെന്ന് ധവാൻ വെളിപ്പെടുത്തി.
മാത്രമല്ല ബന്ധങ്ങളിലേക്കു പോകുമ്പോൾ യുവാക്കൾ അവരുടെ പങ്കാളിയോടൊപ്പമുള്ള നിമിഷങ്ങൾ ആസ്വദിക്കുന്നുണ്ടോയെന്ന് തിരിച്ചറിയണം. തിടുക്കത്തിൽ വൈകാരികമായി തീരുമാനങ്ങളെടുത്ത് വിവാഹത്തിലേക്ക് പോകരുത്. എങ്ങനെയുള്ള പെൺകുട്ടിയാണ് തന്റെ ജീവിതത്തിലേക്കു വരേണ്ടതെന്ന കാര്യം ഇപ്പോൾഎങ്ങനെയുള്ള പെൺകുട്ടിയാണ് തന്റെ ജീവിതത്തിലേക്കു വരേണ്ടതെന്ന കാര്യം ഇപ്പോൾ താൻ തിരിച്ചറിയുന്നുണ്ടെന്നും ധവാൻ വ്യക്തമാക്കി.
ഐഷ മുഖർജിയും ശിഖർ ധവാനും 2012-ലാണ് വിവാഹിതരായത്. ഐഷ ഓസ്‌ട്രേലിയയിലെ മെൽബണിലെ കിക്ക് ബോക്‌സറായിരുന്നു. ധവാനെക്കാൾ 12 വയസ്സ് കൂടുതലാണ് ഐഷയ്‌ക്ക.് ആദ്യ വിവാഹത്തിൽ ഐഷയ്‌ക്ക രണ്ട് പെൺമക്കളുമുണ്ട്. 2014-ൽ ശിഖറുമായുള്ള ബന്ധത്തിൽ ഐഷയ്‌ക്ക് ‘സൊറവർ’ എന്നൊരു ആൺകുഞ്ഞ് ജനിച്ചു. 2021 സെപ്തംബറിലാണ് ഇരുവരും പിരിഞ്ഞു താമസിക്കാൻ തുടങ്ങിയത്.
