ന്യൂഡൽഹി : ഹനുമാനെ ആദ്യത്തെ അന്താരാഷ്ട്ര ഭീകരനെന്ന് വിശേഷിപ്പിച്ച് ഖാലിസ്ഥാനി നേതാവ് . കഴിഞ്ഞ ദിവസം നടന്ന ഖാലിസ്ഥാനി പ്രതിഷേധത്തിലാണ് ഹനുമാനെതിരായ പ്രസ്താവന . വീഡിയോയിൽ, ജർണയിൽ സിംഗ് ഭിന്ദ്രൻവാലയെ ഭീകരനെന്ന് വിളിച്ചതിൽ വേദന പ്രകടിപ്പിച്ച ശേഷമാണ് ഹനുമാനെ ഭീകരനെന്ന് വിശേഷിപ്പിച്ചത് . കനേഡിയൻ ആസ്ഥാനമായുള്ള ഖാലിസ്ഥാൻ അനുഭാവിയായ പ്രീതം സിംഗ് ആണ് വീഡിയോ പോസ്റ്റ് ചെയ്തിരിക്കുന്നത്.
‘ ഇന്ത്യക്കാരും, നിങ്ങളുടെ മാധ്യമങ്ങളും നമ്മുടെ സന്യാസി ഭിന്ദ്രൻവാലയെ തീവ്രവാദി എന്ന് വിളിക്കുകയാണെങ്കിൽ, നിങ്ങൾ കേൾക്കുകയും ഉത്തരം നൽകുകയും വേണം. നിങ്ങളുടെ ഹനുമാൻ ആയിരുന്നു ആദ്യത്തെ അന്താരാഷ്ട്ര ഭീകരൻ. ഹനുമാൻ അനധികൃതമായി അതിർത്തി കടന്നിരുന്നു. അദ്ദേഹം വിസ എടുത്തിട്ടില്ല, മറ്റേതെങ്കിലും രാജ്യത്തിന്റെ പരമാധികാരത്തെക്കുറിച്ച് അദ്ദേഹം ശ്രദ്ധിച്ചില്ല. തർക്കം ഒരാളുമായി (രാവണൻ) മാത്രമായിരുന്നു, പക്ഷേ അവൻ ലങ്ക മുഴുവൻ കത്തിച്ചു. ലങ്കയിലെ പൗരന്മാരെ ഭയപ്പെടുത്തി. ലങ്കാ ദഹൻ എന്ന പേരിൽ നിങ്ങൾ ഇന്നുവരെ അത് ആഘോഷിക്കുന്നു. ‘ പ്രസംഗത്തിൽ ഖാലിസ്ഥാൻ നേതാവ് പറയുന്നു.
“നിങ്ങൾ അതിനെ (ഖാലിസ്ഥാൻ) ഒരാളുടെ വ്യക്തിപരമായ കാര്യമെന്ന് വിളിക്കുമ്പോൾ, രാവണനുമായുള്ള ഹനുമാൻ ജിയുടെ തർക്കവും വ്യക്തിപരമാണെന്ന് ഓർക്കുക. പിന്നെ എന്തിനാണ് സാധാരണക്കാരെ ഉപദ്രവിച്ചത്? എന്തുകൊണ്ടാണ് അവരുടെ വീടുകൾ കത്തിച്ചത്? നിങ്ങൾ ഇത് കേൾക്കണം, ലോകത്തിലെ ആദ്യത്തെ തീവ്രവാദിയെ മറ്റൊരു രാജ്യത്തേക്ക് അയച്ചത് നിങ്ങളാണെന്ന് ഞങ്ങൾ നിങ്ങളോട് പറഞ്ഞുകൊണ്ടേയിരിക്കും, എല്ലാ വർഷവും ഈ സംഭവം മുഴുവൻ നിങ്ങൾ അഭിമാനത്തോടെ ആഘോഷിക്കുന്നു.- വീഡിയോയിൽ പറയുന്നു.
ഇതാദ്യമായല്ല ഖാലിസ്ഥാനികൾ ഹിന്ദു ദൈവങ്ങളെയും ദേവതകളെയും അവഹേളിക്കുന്ന പരാമർശങ്ങൾ നടത്തുന്നത്. നേരത്തെ 2022 ഏപ്രിലിൽ പഞ്ചാബിലെ പട്യാലയിലെ മാ കാളിയുടെ ക്ഷേത്രത്തിന് നേരെയുണ്ടായ ആക്രമണത്തിൽ ദുർഗയെ കുറിച്ച് അപകീർത്തികരമായ പരാമർശങ്ങൾ ഖാലിസ്ഥാനികൾ പറഞ്ഞിരുന്നു.
