ആഗ്ര: യമുനാനദി ശുചീകരണത്തിൽ ഏർപ്പെട്ട് ആഗ്രയിലെ ജനങ്ങൾ. റിവർ കണക്ട് കാമ്പയ്നിന്റെ ഭാഗമായാണ് യമുനാനദി ശുചീകരിക്കുന്നത്. പരിസ്ഥിതി വിദഗ്ധനും സാമൂഹിക പ്രവർത്തകനുമായ ബ്രജ് ഖണ്ഡേൽവാളിന്റെ നേതൃത്വത്തിൽ ലോക ജലദിനത്തോടനുബന്ധിച്ചാണ് റിവർ കണക്റ്റ് കാമ്പെയിൻ ആരംഭിച്ചത്.
പുണ്യനദിയായ യമുനയെ സംരക്ഷിക്കേണ്ടത് ജനങ്ങളുടെ കടമയാണ്. അതിനായി ജനങ്ങൾ മുന്നിട്ടിറങ്ങണം. ഈ കാമ്പയിനിലൂടെ ദേശീയ നദീജല നയം രൂപീകരിക്കുക, യമുന ശുദ്ധീകരണം, തടയണ നിർമാണം, എന്നിവയ്ക്കായി പ്രമേയം പാസാക്കുന്നതിന് കേന്ദ്ര-സംസ്ഥാന സർക്കാരുകളുടെ ശ്രദ്ധ ആകർഷിച്ചതായും സാമൂഹിക പ്രവർത്തകനായ ബ്രജ് ഖണ്ഡേൽവാൾ പറഞ്ഞു.
യമുനാനദി ശുചീകരക്കേണ്ടതിനെ കുറിച്ച് പൊതുജനങ്ങളെ ബോധവൽക്കുന്നതിന് സാമൂഹിക പ്രവർത്തകർ പരിശ്രമിക്കണം. കഴിഞ്ഞ ഏഴ് വർഷമായി റിവർ കണക്ട് കാമ്പയിൻ നടത്തിവരുന്നുണ്ട്. യമുനയെക്കുറിച്ചുള്ള അവബോധം വളർത്തുകയും നദിയുടെ യഥാർത്ഥ രൂപം പുനഃസ്ഥാപിക്കുകയും ചെയ്യുക എന്നതാണ് ഇതിന്റെ ലക്ഷ്യമെന്ന് സാമൂഹ്യ പ്രവർത്തകർ അറിയിച്ചു.
Comments