ചെന്നൈ-മൈസൂരു റൂട്ടിലോടുന്ന വന്ദേഭാരത് എക്സ്പ്രസ് ട്രെയിൻ യാത്രയുടെ വീഡിയോ ദൃശ്യങ്ങളാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്. സതേൺ റെയിൽവേയുടെ ട്വിറ്റർ പേജിൽ വന്ന ഈ വീഡിയോ ദൃശ്യങ്ങൾ ചെന്നൈ-മൈസൂരു പാതയുടെ പ്രകൃതിഭംഗിയുൾപ്പെടെ അതിമനോഹരമായി ചിത്രീകരിച്ചിട്ടുണ്ടെന്നതാണ് പ്രത്യേകത.
മണിരത്നം ചിത്രമായ അലൈപായുതൈയിലെ ഹിറ്റ് ഗാനമായ പച്ചൈനിറമേ എന്ന പാട്ടാണ് വീഡിയോയ്ക്ക് പശ്ചാത്തല സംഗീതമായി റെയിൽവേ അധികൃതർ നൽകിയിരിക്കുന്നത്. 35 സെക്കൻഡ് മാത്രമുള്ള ഈ വീഡിയോ ഏതൊരാളെയും വന്ദേ ഭാരതിൽ യാത്ര ചെയ്യാൻ മോഹിപ്പിക്കുന്നതാണെന്നാണ് ട്വീറ്റിന് താഴെ കമന്റുകൾ ഉയർന്നു.
#VandeBharatExpress – Redefining passenger experience with its state-of-the-art facilities, speed, striking design and enhanced safety features!
Take a look at the beautiful visuals of Chennai – Mysuru #Vande Bharat Express cruising past a picturesque stretch pic.twitter.com/JhgNu8pPF3
— Southern Railway (@GMSRailway) March 24, 2023
മണിക്കൂറിൽ പരമാവധി 160 കിലോ മീറ്റർ വരെ വേഗതയിൽ സഞ്ചരിക്കാൻ കഴിയുന്ന ട്രെയിനുകളാണ് വന്ദേഭാരത് എക്സ്പ്രസുകൾ. എന്നാൽ സുരക്ഷ കണക്കിലെടുത്ത് 130 കിലോ മീറ്റർ വേഗതയിലാണ് ട്രെയിൻ ഓടുന്നത്. യാത്രാസമയം കുറയ്ക്കാനും ട്രെയിൻ യാത്രികർക്ക് മികച്ച യാത്രാനുഭവം സമ്മാനിക്കാനും വന്ദേഭാരത് ട്രെയിനിന് കഴിയുമെന്ന് റെയിൽവേ ചൂണ്ടിക്കാട്ടുന്നു. അതിനൂതനമായ യാത്രാ സൗകര്യങ്ങളാണ് വന്ദേഭാരത് ട്രെയിൻ കോച്ചുകളുടെ സവിശേഷത.
Comments