ഭഗവാന്റെ അനുഗ്രഹം തേടി സിംഗപ്പൂർ ഹൈക്കമ്മീഷണർ; ശ്രീരാമനവമി ആഘോഷമാക്കി സൈമൺ വോങ്ങ്; ഛത്തർപൂർ ക്ഷേത്രത്തിൽ ദർശനം നടത്തി

ഇന്ന് ശ്രീരാമനവമി. മഹാവിഷ്ണുവിന്റെ ഏഴാമത്തെ അവതാരമായി പിറവിയെടുത്ത ശ്രീരാമചന്ദ്രന്റെ ജന്മദിനമാണ് ശ്രീരാമനവമി. അയോധ്യയിലെ രാജാവായിരുന്ന ദശരഥന്റെയും കൗസല്യയുടെയും ആദ്യപുത്രനായാണ് ശ്രീരാമൻ ഭൂമിയിൽ അവതരമെടുത്തത്. ചൈത്രമാസത്തിലെ ശുക്ലപക്ഷ നവമി മദ്ധ്യാഹ്നയത്തിൽ വരുന്ന ദിനത്തിലാണ് ശ്രീരാമന്റെ ജനനം. ഇന്നെ ദിനത്തിൽ ഭക്തി പുരസരം വ്രതം നോറ്റ് രാമനാമം ജപിക്കുന്നത് മോക്ഷപ്രാപ്തിയ്‌ക്കായുള്ള മാർഗമായാണ് കരുതുന്നത്.

ഏറെ ആഘോഷപൂർണമായാണ് രാമനവമി ഭാരതത്തിൽ കൊണ്ടാടുന്നത്. രാമനവമിയോടനുബന്ധിച്ച് ദുർഗ്ഗദേവി ക്ഷേത്രത്തിൽ ദർശനം നടത്താനെത്തുന്നത് ആയിരങ്ങളാണ്. എന്നാൽ വേറിട്ട കാഴ്ചയായി മാറിയത് ഇന്ത്യയിലെ സിംഗപ്പൂർ ഹൈക്കമ്മീഷണറുടെ ക്ഷേത്ര ദർശനമാണ്. രാമനവമി ആഘോഷങ്ങളിൽ പങ്കുച്ചേർന്ന് ഡൽഹി ഛത്തർപൂർ ദുർഗ്ഗാദേവി ക്ഷേത്ത്രിലാണ് സൈമൺ വോങ്ങ് എത്തിയത്. ഭഗവാന്റെ അനുഗ്രഹം തേടിയാണ് താൻ ക്ഷേത്രദർശനം നടത്തിയതെന്ന് അദ്ദേഹം വ്യക്തമാക്കി. ഭക്തർക്ക്് പുണ്യദിനത്തിൽ ശ്രീരാമനവമി ആശംസകളും അദ്ദേഹം നേർന്നു. ക്ഷേത്രദർശനം നടത്തിയതിന്റെ ചിത്രങ്ങൾ സമൂഹമാദ്ധ്യമങ്ങളിൽ പങ്കുവെച്ചിട്ടുണ്ട്.

On the joyous occasion of Ram Navami, I visited the Chhatarpur Mandir to offer my prayers. May the Good reign supreme ! – HC Wong #RamaNavami #ramnavami2023 pic.twitter.com/zyUVMwQinW

— Singapore in India (@SGinIndia) March 30, 2023

ഭാരതത്തിന്റെ സംസ്‌കാരത്തയും പൗരാണികതയെയും ഏറെ അത്ഭുതത്തോടെ നോക്കി കാണുന്ന വ്യക്തിത്വമാണ് സിംഗപ്പൂർ ഹൈക്കമ്മീഷണറായ സൈമൺ വോങ്ങ്. അടുത്തിടെ നടത്തിയ ഇന്ത്യൻ സന്ദർശനത്തിൽ രാജ്യത്തിന്റെ അഭിമാന പദ്ധതിയായ ഡൽഹി-മുംബൈ എക്‌സ്പ്രസ് വേയെ അദ്ദേഹം പ്രശംസിച്ചിരുന്നു. ‘അമേസിംഗ് ഇന്ത്യ’ എന്നാണ് അദ്ദേഹം ട്വിറ്ററിൽ കുറിച്ചത്. ഒരു വാ്ക്കിൽ മാത്രമാണ് വിവരിക്കാൻ കഴിയൂവെന്നും ഇന്ത്യ അതിമനോഹരിയായിരിക്കുന്നുവെന്നും അദ്ദേഹം പറഞ്ഞിരുന്നു.

Tried the new #Delhi_Mumbai_Expressway today. Only one word can describe it "Wow!". Amazing India – HC Wong@narendramodi @nitin_gadkari#BuildingTheNation #PragatiKaHighway #GatiShakti pic.twitter.com/pM3p28rBsw

— Singapore in India (@SGinIndia) February 19, 2023