മനില: ഫിലിപ്പൈൻസിലെ കടത്ത് ബോട്ടിന് തീപിടിച്ചു. യാത്രക്കാരായ 12 പേർ മരിച്ചു. കാണാതായവർക്കായി തിരച്ചിൽ തുടരുന്നുണ്ടെന്ന് ബസിലാൻ പ്രവിശ്യ ജിം ഹത്മാൻ ഗവർണർ പറഞ്ഞു.
250-ഓളം യാത്രക്കാരുണ്ടായിരുന്ന എംവി ലേഡി മേരി ജോയ് 3- കടത്ത് ബോട്ടിനാണ് തീപിടിച്ചത്. തെക്കൻ തുറമുഖത്തിലെ സാംബോംഗയിൽ നിന്ന് സുലു പ്രവിശ്യയിലെ ജോലോയിലേക്കുള്ള യാത്രാ മധ്യേയായിരുന്നു സംഭവം. മരിച്ചവരിൽ മൂന്ന് കുട്ടികളും ഉൾപ്പെട്ടിട്ടുണ്ട്. പരിക്കേറ്റവരെ ആശുപത്രിയിൽ പ്രവേശിപ്പിച്ചെന്നും ഗവർണർ ജിം ഹത്മാൻ വ്യക്തമാക്കി.
മരിച്ചവരുടെ മൃതദേഹങ്ങൾ കടലിൽ നിന്ന് കണ്ടെത്തിയെന്നും അധികൃതർ അറിയിച്ചു.
അപകടത്തെ തുടർന്ന് രണ്ട് തവണ രക്ഷാ പ്രവർത്തനങ്ങൾ നടത്തി. സംഭവത്തിൽ അന്വേഷണം പുരോഗമിക്കുകയാണെന്നും ഗവർണർ അറിയിച്ചു.
Comments